Departament Jastar jyly aıasynda jastarǵa qoldaý kórsetpek. Tártip saqshylary olardy jumyspen qamtamasyz etýdi qolǵa alǵaly otyr. Kadr saıasaty basqarmasynyń qyzmetkerleri, polısııa maıorlary Murat Esmuhambetovpen jáne Erık Múslimov oblys ortalyǵyndaǵy Ulttyq ulan 6697 áskerı bóliminiń merzimdi qyzmet áskerı qyzmetshilerimen áńgimelesti. Kezdesý barysynda áskerı qyzmetshilerge polısııaǵa qyzmetke turý tártibi, sondaı-aq ishki ister organdarynda qyzmet ótkerý sharttary týraly túsinikteme berildi.
Olarǵa polısııadaǵy qyzmettiń artyqshylyqtary, polıseılerdiń eńbekaqysy aǵymdaǵy jyldyń 1 shildesinen bastap 65 prosentke deıin óskendigi, sondaı-aq turǵyn úıdi jalǵa alý shyǵyny jeńildikteri beriletini, mansaptyq ósý men tártip saqshysyna jáne onyń otbasy múshelerine tegin medısınalyq qyzmet kórsetiletini aıtyldy. QR IIM joǵary oqý oryndarynda tegin joǵary kásibı bilim alýǵa múmkindigi bar.
Áskerı qyzmetshiler eńbekaqyǵa qatysty qosymsha suraqtar qoıyp, ózderine qajetti tolyq málimet aldy.
«Bul Elbasy jarııalaǵan Jastar jylynda jastarǵa jasalǵan mol múmkindik dep bilemiz. Qazir 18 ben 35 jas aralyǵyndaǵy azamattardy jumysqa alyp, olardyń ómirden óz ornyn tabýyna kómekteskimiz keledi» deıdi Kadr saıasaty basqarmasy bastyǵynyń orynbasary, polısııa maıory Murat Esmuhambetov.
