Gel-laktyń qorqynyshty qateri

Sonymen dermatologtar teri obyryn qozdyratyn manıkıýrge, onyń ishinde ásirese gel-lakqa áýes bola bermeýge keńes beredi.
Árıne gel-laktyń artyqshylyqtary kóp: tez kebedi, jumsaq, synǵysh tyrnaqtardy qataıtyp turady, kútinip júrseń bir aıǵa deıin bekem saqtalady. Alaıda, der­matologtar túptiń túbinde mundaı manıkıýr asa qaýip­ti teri ragyna shaldyqtyrýy múmkin ekendigin aıtady.
О́ıtkeni gel-lak tek qana arnaıy ýltrakúlgin sáýle shashatyn lampamen ǵana kebedi. Jáne bir ret gel-lak jaqtyrý úshin kemi úsh ret qoldy ýltrakúlgin shamyna salýǵa týra keledi. Bul sáýle geldi ǵana keptirip qoımaıdy, terini de qartaıtyp, jıi qoldana bergen jaǵdaıda rak dertin týdyrady.

Másele mynada, ýltrakúlgin sáýle shashatyn lampalar eshqandaı standarttalmaǵan jáne ár sán salony óziniń bilgenin jasaıdy. Tyrnaqty sáýlelendirýdiń naqty dozasy joq. Al sán salonyna aıyna birneshe ret, keminde bir baryp gel-lak jaqtyryp alatyn sánqoılar jetkilikti. Ýltarkúlgin sáýlesin jıi alǵan saıyn teri ragynyń asqyný qaýpi odan da arta túspek. Ásirese bul qaýip-qater qolynda daqtary bar nemese genetıkalyq turǵyda teri aýrýlary men qaterli isikke beıim adamdarda tipti joǵarylaı túsedi.
Munan da bólek, belgili biri hımıoterapııa preparat­ta­ryn alǵan nemese antıbıotıkter qabyldaǵan adamdarda ýltrakúlgin sáýlege sezimtaldyǵy joǵary bolady.
Sondyqtan da dermatologtar asa bir qajet bolmasa, gel-lakty qoldana bermeýge keńes berip otyr. Jáne tyrnaqqa gel-lak jaqqyzǵan jaǵdaıda ushtary kesilgen arnaıy qolǵap kıip, kún sáýlesinen qorǵaıtyn maı jaǵyp alý kerektigin aıtady.
Degenmen, amerıkalyq dermatolog Krıs Adıgýnnyń aıtýynsha, eshkim de manıkıýrge qolyna krem jaǵyp barmaıdy, jaǵyp barǵan jaǵdaıdyń ózinde ol jýylyp ketedi. Al kún sáýlesinen qorǵaıtyn kremdi qolǵa ýltrakúlgin sáýleli lampaǵa qoldy salar aldynda kemi 20 mınýt buryn jaǵý kerek. Sonda ǵana onyń áseri bolýy múm­kin. Biraq únemi asyǵys qyz-kelinshekterdiń taǵy da qo­symsha 20 mınýt kútýge taǵattary jete bermeıdi.
Eń bastysy, áli de kún sáýlesinen qorǵaıtyn maılar­dyń ýltrakúlgin sáýlelendirýge qarsy áseri zert­telin­begen. Sondyqtan da mundaı kremder qoldy ýltra­kúlgin shamynan qanshalyqty qorǵaı alatyny beımálim.
Osy saýaldamaǵa qatysqan kelesi dermatolog Djoshýa Zaıhner kerisinshe, kún sáýlesine qarsy maımen bolsa da qoldy saqtandyrý ıdeıasyn qoldaıdy. Onyń oıyn­sha, manıkıýr mamany tyrnaqtardy shamnyń qýysyna salar aldynda qoldy túgel kún sáýlesinen qorǵaıtyn kremmen maılap shyǵýy kerek.
Degenmen bul usynys-paıymdardyń barlyǵy da tolaıym ǵylymı zertteýlerden ótpegen. Esesine, gel-lakty jıi paıdalanatyn qyz-kelinshekterdiń tyrnaǵy úlbirep, tipti túsip qalatynyn kózimiz kórip júr.