Shilde aıyndaǵy reıtıng boıynsha alǵashqy úzdik úshtik azdaǵan ózgeriske ushyraǵan. Kósh basynda turǵan Belgııa 1746 upaımen óz ornyn saqtap qalsa, maýsym aıynda úshinshi orynda qalyp qoıǵan Brazılııa (1726) jýyrda Amerıka kýbogynda top jarǵanynyń arqasynda bul aıda ekinshi orynǵa kóterildi. Al ótken aıda ekinshi satyda ornalasqan Fransııa (1718) quramasy bul aıda úshinshi orynǵa túsip qaldy.
Maýsym aıynda 114-orynǵa turaqtaǵan Qazaqstan ulttyq quramasy eki satyǵa joǵarylap, 112-satyǵa jaıǵasty. Ulttyq qurama qorjynynda 1174 upaı bar.
Aıta keteıik, Mıhal Bılek shákirtteri aldaǵy qyrkúıek aıynda Eýro-2020 chempıonatynyń irikteý kezeńi aıasynda syrt alańda Kıpr jáne Reseı quramalarymen kezdesý ótkizedi. 6 qyrkúıekte Kıprmen oınasa, 9 qyrkúıekte Reseı fýtbolshylarymen jasyl alańda kezdesedi.
