Birge, TazaQazaqstan aksııasyna qazaqstandyqtar atsalysýda

Premer-Mınıstr A.Mamın 2019 jylǵy 20 shildede Qoıandy sý qoı­masynda bastaǵan aksııaǵa 1,2 myńnan astam adam qatysyp, 10 tonnadan astam qoqys jınalǵan-dy. Al elordadaǵy senbilik barysynda Esil jáne Qarasý ózenderiniń, Vıacheslav sý qoımasy men Maıbalyq kóliniń jaǵalaýlary tazartyldy. Atalǵan is-sharaǵa 5 myńnan astam adam qatysty. Ekologııalyq aksııanyń qatysýshylary Esil jáne Qarasý ózenderiniń jaǵalaýyn áýe­jaıdan Qaraǵandy trassasyna qaraı, Maıbalyq kólin, Vıacheslav sý qoı­masynyń jaǵalaý mańyndaǵy aýmaǵyn tazalap, 16 tonnaǵa jýyq qoqys jınady.

Senbilikke elordadaǵy mınıstrlik, qalalyq ákimdik jáne basqarmalardyń ókilderi, eriktiler de kóptep qatysty. Nur-Sultan qalasyndaǵy ekologııalyq aksııany qoldaýshylardyń qatarynda Úkimet basshysy Asqar Mamın, Pre­mer-Mınıstrdiń orynbasary Gúlshara Ábdiqalyqova bastaǵan úkimet músheleri bar.

Atap aıtqanda, Ekologııa, geologııa jáne tabıǵı resýrstar mınıstri Maǵzum Myrzaǵalıev, Aqparat jáne qoǵamdyq damý mınıstri Dáýren Abaev, Eńbek jáne halyqty áleýmettik qorǵaý mınıstri Berdibek Saparbaev, Densaýlyq saqtaý mınıstri Eljan Birtanov, Bilim jáne ǵylym mınıstri Ashat Aıtmaǵambetov boldy. Nur-Sultan qalasynyń ákimi Altaı Kól­gi­nov atalǵan sharaǵa belsendi qatysqan barsha astanalyqtarǵa alǵys aıtty.

Sondaı-aq Úkimet basshysy bar­lyq oblys ákimderin ekologııalyq bas­tamany jalǵastyrýǵa shaqyrǵan bola­tyn. Aıta keteıik, búginde EKO-Chellendj qozǵalysyna óńir tur­ǵyndary jappaı atsalysýda. Má­selen, Atyraýda Jaıyq ózeniniń ja­ǵalaýyn qoqystan tazartý naýqany ótti. Sanıtarlyq tazalyqqa 8 myńǵa jýyq qala jáne qala mańyndaǵy aýyldyq okrýg turǵyndary, sonyń ishinde memlekettik mekemeler men kásiporyn, ónerkásip ujymdary, sondaı-aq eriktiler toby qatysyp, 37-den astam tehnıka jumyldyryldy. Nátıjesinde 17 tonna qoqys jınaldy. Sonymen qatar Aqmola oblysynda 44 myńnan astam adamnyń qatysýymen ótken aksııa aıasynda Qopa kóli men Qylshyqty ózeniniń jaǵalaýy jáne óńirdegi basqa da toǵandar men sý arnalarynyń mańy qoqystan aryldy. Shyǵys Qazaqstan oblysyndaǵy 19 qala men aýdanda bir mezette ótken aksııaǵa 33 myńnan astam turǵyn jınalyp, demalys oryndarynyń aýmaǵyn tazalady. Osylaısha 800 tonnadan nemese 3 206 tekshe metrden astam qoqys shyǵaryldy. Al almatylyqtar Kók­jaılaý shatqalyn tazartý bo­ıynsha #TazaAlmaty ekologııalyq aksııa­synyń alǵashqy kezeńin basta­dy. Chellendjge qatysýshylar uzyn­dyǵy 5 shaqyrym bolatyn shatqalǵa soqpaq jolmen kóterilip, jol boıyndaǵy qoqystardy jınady. Aıtýly sha­raǵa Qaraǵandy oblysynyń 20 myń­nan astam turǵyny qatyssa, soltús­tikqazaqstandyqtar da 200-den as­tam kól jaǵalaýyn qoqystan tazart­ty. Teriskeıdegi ekologııalyq aksııaǵa 14 myńnan astam oblys tur­ǵyny qa­tysty. Oblystyq ekologııa de­par­ta­menti jetekshisiniń mindetin atqarýshy Azamat Bektasovtyń aı­týynsha, aksııa aıasynda 126 myń tonna qoqys jınal­dy. Nátıjesinde 350 myń sharshy metr aýmaq tazalandy.

Aıta ketken lázim, aldaǵy ýa­qyt­ta Qazaqstan mektepteri men bala­baq­shalarynda ekologııalyq tár­bıe­ge arnalǵan qosymsha sabaq engi­zilmek. Ekologııa, geologııa jáne ta­bıǵı re­sýrstar mınıstrligi Bilim já­ne ǵy­lym mınıstrligimen birlese oty­ryp, barlyq mektep pen balabaq­sha­da ekologııalyq saǵat engizýdi jos­par­lap otyr. Elimizdiń bas ekology M.Myr­zaǵalıevtiń aıtýynsha, tazalyq uǵymyn sanaǵa bala jastan bastap sińirý kerek.