«Eýrazııalyq Top árqashan ekologııany belsendi qoldaıdy. Biz jyl saıyn qorshaǵan ortany saqtaýǵa jáne jaqsartýǵa baǵyttalǵan jeke is-sharalardyń bastamashysy bolyp kelemiz. Tabıǵı resýrstarǵa uqypty qaraý bizdiń kompanııamyzdyń mıssııasyna kiredi, bul – bizdiń jumys isteıtin kásiporyndarymyz ben aımaqtarymyzdyń turaqty damýynyń kepili» Eýrazııalyq Toptyń basqarma tóraǵasy Serik Shahajanov.
Rýdnyıda Tobyl ózeniniń boıyndaǵy aýmaqty tazartýǵa 420 maman qatysty. Jalpy alǵanda, jaǵalaý aımaǵynyń 4000 sharshy metrden astamy retke keltirildi.
«Qazaqstan Respýblıkasynyń Premer-Mınıstri Asqar Mamın bastaǵan «Birge – Taza Qazaqstan!» ekologııalyq aksııasy búginde elimizdiń barlyq shalǵaıynda suranysqa ıe bolyp otyr. Tobyl ózeni jaǵalaýy ábden lastanǵan eken. О́kinishke qaraı, biren-saran adamdar ǵana demalǵan ornyn jınap ketedi. Biz muny kórip otyrmyz jáne túzetkimiz keledi. Qorshaǵan álemniń jaǵdaıyna barshamyz alańdaýymyz kerek. О́ıtkeni bizdiń jáne balalarymyzdyń densaýlyǵy osyǵan tikeleı baılanysty» deıdi SSKО́B jastarmen jumys jónindegi bólimi bastyǵynyń mindetin atqarýshy Ádil Aǵaısın.
Úsh saǵat ishinde shamamen 26 tekshe metr qoqys shyǵaryldy. Kenshiler barlyq máselelerde belsendi. Birlestik ujymy úshin «ekologııalyq desant» – bul ádettegi nárse. Jyl saıyn, jazdyń basynda ken alybynyń qyzmetkerleri Tobyldyń jaǵalaýyna senbilikterge shyǵady, sonymen qatar óndiristik alańdardy tazartyp, Rýdnyıdy abattandyrýǵa qatysady.
2018 jyly Eýrazııalyq Top qorshaǵan ortany qorǵaý sharalaryna 13,5 mlrd. teńge qarjy quıdy. 2019 jyly Toptyń Qazaqstannyń «jasyl ekonomıkaǵa» ótý tujyrymdamasy aıasyndaǵy ınvestısııalary 16,5 mıllıard teńge kóleminde josparlanýda.
Rýdnyı
