Úlken suranysqa ıe “AI-92” markaly suıyq otynnyń bir lıtri 150 teńgeden satylyp kelse, endi 4-5 teńgege qymbattady. “Qaz-MunaıGaz”, “Shelf”, “Etalon” jáne taǵy basqa janar-jaǵarmaı quıý beketterinde 154-155 teńgeden bosatylýda. Gazdyń ár lıtri – 73 teńge, dızeldik otyn– 198 teńge.
«Qazir “AI-92” markaly benzınniń 2 myń tonna qory bar. Budan bólek, tasymaldaýshy operatorlar jýyq arada 2,5 myń tonna benzın jetkizip bermek. Janar-jaǵarmaıdyń qory óńirdiń suranysyn qamtamasyz etýge tolyq jetedi», deıdi kásipkerlik jáne týrızm basqarmasynyń bas mamany Lázzat Ǵalıeva.
Onyń aıtýynsha, jergilikti janar-jaǵarmaı beketterine suıyq otyn negizinen Pavlodar, Atyraý jáne Shymkent qalalaryndaǵy munaı óndiretin zaýyttardan jetkiziledi. Alǵashqy eki kásiporyn kúrdeli jóndeý jumystaryn júrgizý úshin ýaqytsha jabyldy. Al Shymkentten tasý ekonomıkalyq jaǵynan tıimsiz.
Naryqtyń qajettiligin tolyq qamtamasyz etý úshin“AI-92” markaly benzın Reseıdiń Ýfa qalasynan ákelinýde.Birqatar beketterde «AI-95» markaly benzın talonmen bosatylýda.
Soltústik Qazaqstan oblysy
