Aımaqtar • 30 Shilde, 2019

Túrkistan oblysynda sýǵa batyp, qaza bolǵandar sany azaımaı tur

178 ret kórsetildi

Túrkistan oblysynda jyl basynan beri jazataıym oqıǵalar boıynsha 49 adam qaıtys bolǵan. Onyń 28-i kámeletke tolmaǵan balalar bolsa, 21-i eresek.

Aýa raıy da qaıǵyly oqıǵalardyń oryn alýyna septigin tıgizip otyr. Mysaly, óńirde 13 bala ata-ananyń qaraýynsyz, 8 bala ruqsat etilmegen jerde, 2 kámeletke tolmaǵan jas bala shomylýǵa arnalǵan demalys ortalyqtarynyń basseınderinde jáne 2 adam balyq aýlaý kezinde qaıtys bolǵan.   Sondaı-aq qudyqtar men septıkterge túsip ketip, qaıtys bolǵandar da bar. Bul derekter óńirlik kommýnıkasııalar qyzmetinde ótken «Shomylý maýsymyndaǵy sýdaǵy qaýipsizdik sharalary», «Orman men dala órtteriniń aldyn alý jáne daıyndyq jumystary» taqyrybyndaǵy brıfıngte keltirildi. Túrkistan oblysy tótenshe jaǵdaılar departamenti bastyǵynyń orynbasary, azamattyq qorǵaý polkovnıgi Sultanǵalı Smaılovtyń málimdeýinshe, óńirde shomylý maýsymynyń aldynda jáne onyń ótý kezeńinde sý obektilerinde adamdardyń ólimi eń ózekti máseleniń biri.

Sońǵy 5 jylda ıaǵnı, 2015-2019 jyldar aralyǵynda oblysta sýdan qaza bolǵan adamdardyń sany azaımaǵan. Osyǵan baılanysty departament  bastyǵynyń orynbasary oblys turǵyndaryn sýdaǵy qaýipsizdik sharalaryn  qatań saqtaýǵa shaqyrdy.

Túrkistan oblysy

Sońǵy jańalyqtar

Uqsas jańalyqtar