Qujatqa sáıkes taraptar «Sıfrlyq Qazaqstan» memlekettik baǵdarlamasyn jáne munaı-gaz ındýstrııasynda sıfrlandyrýdy damytýdyń budan keıingi barysyn iske asyrýda memlekettik organdar men basqa uıymdarǵa járdemdesýge nıettendi.
Yntymaqtastyq sheńberinde sıfrlandyrý máseleleri boıynsha keńes berý, «Total» kompanııasynyń tájirıbesin negizge ala otyryp, sıfrlandyrý jobalaryn iske asyrý, derekterdi basqarý isin jaqsartý, kadr daıyndaý men olardyń biliktiligin arttyrýda qoldaý kórsetý, bilim berý bastamalaryn ilgeriletý jáne t.b. is-sharalar josparlanýda.
- Total álemdegi eń iri munaı-gaz kompanııalarynyń alǵashqy ondyǵyna kiredi. Sondyqtan onyń munaı-gaz salasyn sıfrlandyrý jáne ozyq tehnologııalardy qoldaý máselelerindegi tájirıbesi Qazaqstanǵa operasııalyq qyzmettiń tıimdiligin arttyrý jáne munaı-gaz aktıvteriniń kórsetkishterin joǵarylatý maqsatynda jumysty júrgizýdiń úzdik úlgilerin úırenýge múmkindik beredi. Memorandým eki kompanııanyń arasyndaǵy yntymaqtastyqty nyǵaıtyp qana qoımaı, onyń aýqymyn edáýir keńeıte túsedi, dep atap ótti QMG Basqarma tóraǵasynyń óndiris jónindegi orynbasary Jaqyp Marabaev.
Mańǵystaý oblysy
