Ortalyqta egde jastaǵy 480 adamǵa jáne 560 múmkindigi shekteýli balalarǵa qyzmet kórsetiledi. Oryndar shekteýli, barlyǵyna birdeı qajetti jabdyqtar jetispeıdi.
«Biz osynda kelip júrgenimizge qatty qýanamyz. Balalarmen mamandar aınalysady. Munda defektolog, logoped, eńbek terapııasy, ýqalaý em-domyn jasaıtyn medbıkeler, emdik-fızıkalyq jattyǵýlar jasaıtyn nusqaýshy kabınetteri bar. Dárigerlerdiń shynaıy qarym-qatynasy kórinip turady. Balalardy ıppodromǵa da aparýǵa bolady», - dedi balalardyń ata-analary. «Alaıda kemshin tustary da joq emes. Ata-analar da, eresekter de mundaı ortalyqtyń bar ekenin, kelip bilikti mamandardan nátıjeli em-sharalar ala alatynyn kóp bile bermeıdi. Barlyǵy bilip, kelýi úshin osy máseleni sheshse jaqsy bolar edi», - dedi ata-analar.
Ata-analar balalar arnaıy jabdyqtar men apparatta meıilinshe kóbirek em-sharalaryn júrgizse deıdi. Alaıda apparattar bárine birdeı jetpeıdi.
Memleket basshysy Qasym-Jomart Toqaev múmkindigi shekteýli balalardy tárbıelep otyrǵan otbasylarǵa erekshe kóńil bólýdi tapsyrdy. Mundaı ortalyqtar men mekemelerge suranystyń kóptigine baılanysty qala ákimdigi jańa ortalyq ashý máselesin zerttep, zerdelep jatyr.
«Bárine birdeı oryn jetispeıdi. Taǵy bir osyndaı ortalyq qajet. Eńbek jáne áleýmettik qorǵaý mınıstrligimen birlese taǵy bir ońaltý ortalyǵyn ashýdy oılastyryp jatyrmyz. 150 oryndyq ortalyqqa arnalǵan jer telimin bólemiz. Qazirgi tańda jobalyq-smetalyq qujattaryn zerttep jatyrmyz, buıyrtsa, kelesi jyly qurylysty bastaýdy josparlap otyrmyz. Sizderdiń ortalyqtaryńyzǵa qandaı apparattar jetispeıdi, sizder bizge aıtyńyzdar. Ony alyp berýdiń joldaryn qarastyramyz»,-dedi A. Kólginov.
