Ekonomıka boıynsha halyqaralyq olımpıada úsh kezeńnen turady - qarjylyq saýattylyq, ekonomıka jáne bıznes-keısterdi sheshý.
Bıylǵy jyly olımpıadaǵa 24 memleketten 16-18 jas aralyǵynda 29 komanda, 133 joǵary synyp oqýshylary qatysady, olardyń arasynda Avstrııa, Brazılııa, Qytaı, Qazaqstan, Úndistan, Ispanııa, Jańa Zelandııa, Ońtústik Koreıa, AQSh jáne t.b. bar. Bul ár elde ótkizilgen jáne IEO 2019 qatysýshylaryn anyqtaǵan ekonomıka jáne qarjylyq saýattylyq negizderi boıynsha ulttyq jarystardyń jeńimpazdary.
Ekonomıka boıynsha olımpıadanyń qazaqstandyq ulttyq kezeńderi ekinshi jyl qatarynan AHQO alańynda ótkiziledi. AIFC Finance Olympiad jeńimpazdary IEO halyqaralyq kezeńinde eldi tanystyrýǵa múmkindik alady.
Máselen, ótken jyly Máskeýde ótken Olımpıadada Qazaqstan quramasy komandalyq esepte III oryndy, bıznes-keısti sheshý týrynda II oryndy ıelenip, jeke esepte kúmis jáne qola medaldardy jeńip aldy.
Qazaqstannyń ulttyq qurama komandasy quramynda Qaraǵandy, Oral, Semeı, Petropavl jáne Nur-Sultan qalalarynyń Nazarbaev zııatkerlik mektepteriniń joǵary synyp oqýshylary bar.
