Marat Nurǵojın 1957 jyly Aqmola oblysynda dúnıege kelgen. N. Baýman atyndaǵy Máskeý joǵary tehnıkalyq ýchılıshesin bitirgen. Eńbek jolyn 1980 jyly bastaǵan. Túrli jyldary Qaraǵandy polıtehnıkalyq ınstıtýtynda, Qaraǵandy memlekettik tehnıkalyq ýnıversıtetinde, Bilim jáne ǵylym mınıstirliginde, «Samǵaý» ulttyq ǵylymı-tehnologııalyq holdıngi» AQ, «Qazaqstan Ǵarysh Sapary» ulttyq kompanııasy» AQ jumys istegen. 2016–2019 jyldary — qorǵanys jáne aeroǵarysh ónerkásibi vıse-mınıstri. 2019 jylǵy sáýirde sıfrlyq damý, qorǵanys jáne aeroǵarysh ónerkásibi vıse-mınıstri bolyp taǵaıyndaldy.
Ashat Orazbek 1976 jyly Qaraǵandy qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen. Eńbek jolyn 1995 jyly QR Bilim jáne ǵylym mınıstrliginiń Qoldanbaly matematıka ınstıtýty zerthanasynyń ınjeneri bolyp bastaǵan. Túrli jyldary QR Prezıdent Ákimshiliginiń Aqparattandyrý jáne memlekettik qupııalardy qorǵaý bólimi sektorynyń meńgerýshisi boldy, «Ulttyq aqparattyq tehnologııalar» AQ jáne «Zerde» ulttyq aqparattyq-kommýnıkasııalyq holdıngi» AQ, «QazTransOıl» AQ, «Transtelekom» AQ basshylyq laýazymdardy atqardy. 2017 jyldyń aqpanynan bastap QR Blokcheın jáne krıptotehnologııalardy damytý qaýymdastyǵynyń vıse-prezıdenti boldy. 2019 jylǵy sáýirde sıfrlyq damý, qorǵanys jáne aeroǵarysh ónerkásibi vıse-mınıstri bolyp taǵaıyndaldy.
Abylaıhan Ospanov 1986 jyly Almaty q. dúnıege kelgen. L. Gýmılev atyndaǵy Eýrazııa ulttyq ýnıversıtetin, Sh. Ýálıhanov atyndaǵy Kókshetaý memlekettik ýnıversıtetin bitirgen. Túrli jyldary «Jasyl El» jastar eńbek jasaqtary respýblıkalyq shtabynda, túrli kommersııalyq uıymdarda, «Ulttyq aqparattyq tehnologııalar» AQ, ishki ister, baılanys jáne aqparat, kólik jáne kommýnıkasııalar, ınvestısııalar jáne damý mınıstrlikterinde, QR aqparat jáne baılanys agenttiginde, «Nur Otan» partııasynyń ortalyq apparatynyń qabyldaýynda, «Almaty qalasyn damytý ortalyǵy» AQ jumys istedi. 2017–2019 jj. «Azamattarǵa arnalǵan úkimet» Memlekettik korporasııasy» KEAQ Basqarma tóraǵasy boldy. 2019 jylǵy sáýirde sıfrlyq damý, qorǵanys jáne aeroǵarysh ónerkásibi vıse-mınıstri bolyp taǵaıyndaldy.
Daryn Tuıaqov 1969 jyly Almaty oblysynda dúnıege kelgen. Iý.V. Andropov atyndaǵy Lenıngrad joǵary áskerı-saıası áýe qorǵanysy ýchılıshesin, Ál-Farabı atyndaǵy Qazaq ulttyq ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn Halyqaralyq bıznes akademııasyn bitirgen. Eńbek jolyn 1990 jyly bastaǵan. Áýe qorǵanys kúshteri radıotehnıkalyq ásker jeke radıolokasııalyq rotasynyń komandıriniń orynbasary, QR Ádilet mınıstrliginiń jetekshi keńesshisi bolyp jumys istedi. 2002 jyldan 2018 jyl aralyǵynda «Qazaqtelekom» AQ túrli qyzmetterde — zań bóliminiń bastyǵynan bas dırektorǵa, Apparat basshysy, Basqarma múshesine deıingi qyzmetterdi atqardy. 2018–2019 jj. — aqparat jáne kommýnıkasııalar vıse-mınıstri. 2019 jylǵy sáýirde sıfrlyq damý, qorǵanys jáne aeroǵarysh ónerkásibi vıse-mınıstri bolyp taǵaıyndaldy.
