Is-shara Halyqaralyq túrki mádenıeti uıymy (TÚRKSOI) jáne Rýmynııadaǵy Iýnýs Emre Mádenıet ortalyǵy tarapynan uıymdastyrylyp, Túrkııanyń Mádenıet mınıstrligi, sondaı-aq «Rýhanı jańǵyrý» ulttyq baǵdarlamasy boıynsha shetelde qazaq mádenıetin áıgilendirý barysynda Qazaqstannyń Rýmynııadaǵy Elshiliginiń qoldaýymen ótkizildi.
Dırıjer Dúısen Úkibaıdyń júrgizýimen konsertterde álemdik klassıkalyq avtorlar men tanymal qazaq kompozıtorlarynyń týyndylary qoıyldy.
Ánshi Talǵat Ydyrysov, Gúlmıra Tapaı jáne Dáýrenbek Arkenov óner kórsetip, túrki halyqtarynyń mýzykalyq mádenıetimen tanystyrdy. Orkestrmen birge Ázerbaıjan, Qyrǵyzstan jáne Túrkııanyń tanymal ártisteri sahnaǵa shyqty.
Konserttik baǵdarlamaǵa Túrkeshtiń «Kóńil ashar», Táttimbettiń «Sylqyldaq», Qurmanǵazynyń «Saryarqa», Dáýletkereıdiń «Kóroǵly», Jaıaý Musanyń «Aq Sısa», Nurǵısa Tlendıevtiń «Álqısa», Mosarttyń «Túrik marshy» jáne t.b. kóptegen shyǵarmalar engizildi.
Konsertterge óner qaıratkerleri, memlekettik organdar, akademııalyq jáne iskerlik orta ókilderi, Qazaqstan men Rýmynııanyń azamattary qatysty.
Is-shara qonaqtary qazaqstandyq mýzykanttardyń kásipqoılyǵyn, jarqyraǵan ózindik qasıetin, úılesimdiligin jáne oryndaýlarynyń tazalyǵyn joǵary baǵalady.
О́ner tarıhy jolynda Táttimbet atyndaǵy orkestr AQSh, Irak, Iran, Ońtústik Koreıa, Reseı, Slovakııa, Túrkııa, Fransııa, Chehııa, Shveısarııa jáne Shvesııa sekildi elderde konsertter ótkizgen.
2019 j. 2-6 tamyz aralyǵynda Qaraǵandy q. Akademııalyq orkestri Vaslýı atty rýmyn qalasynyń Halyqaralyq folklorlyq festıvaline qatysyp, konserttik týrnesin jalǵastyratyn bolady.
