Kvazımemlekettik sektordaǵy quqyqbuzýshylyq qatań baqylanady

Aldymen Sybaılas jem­qor­lyqqa qarsy is-qımyl agent­tiginiń 2-departamentiniń bas­shysy Sergeı Perov kvazı­mem­lekettik sektor, quqyq qorǵaý jáne sot organdaryndaǵy isterdi tergeý salasyndaǵy mindetter men basymdyqtar týraly aıtyp berdi.
– Buǵan deıin Sybaılas jem­qorlyqqa qarsy kúres qyz­metinde kvazımemlekettik sektorda, quqyq qorǵaý jáne sot organdarynda baqylaýdy kúsheıtý úshin arnaıy bólimshe ashylǵany habarlandy. Atalǵan salalardaǵy quqyqbuzýshylyqtardy sara­laı kele osyndaı she­shim qa­byldanǵan edi. Kvazımemlekettik sektordaǵy qarjynyń zańsyz jumsalýyna, jymqyrylýyna jol bermeý qatań talap eti­ledi. Mundaı oqıǵalar bolǵan jaǵ­daıda qylmystyq is qozǵalady. Kvazımemlekettik sektordaǵy jymysqy áreketter memleket­ke zııanyn tıgizedi. Bul máse­leler BAQ betterinde, áleýmettik jelilerde únemi qyzý talqylanady. Onyń jarqyn mysaly retinde bárine aıan «Báıterek» ulttyq basqarýshy hol­dınginde, «EKSPO» jáne «As­tana LRT» kompanııalaryn­da tirkelgen jemqorlyq fak­tilerin aıtýǵa bolady. Bul osy baǵyttaǵy jumystarǵa barynsha mán berý kerektigin ańǵartady, – dedi ol.
Sondaı-aq Sergeı Perov quqyq qorǵaý salasyndaǵy olqy­lyqtar halyqtyń bılikke degen senimin azaıtatynyn, sondyqtan bul baǵyttaǵy jumystardyń ashyq ári ádil bolýy udaıy baqylanýy kerek ekenin atap ótti. Osy maqsatta mamyr aıyn­da Ishki ister mınıstrligimen jáne Joǵarǵy sotpen birlesken jumystar qolǵa alynyp, sybaılas jemqorlyqqa qarsy is-sharalar kesheni anyqtalypty.
Odan keıin Sybaılas jem­qor­lyqqa qarsy is-qımyl agent­tigi Tergeý komıtetiniń bas ter­geýshisi Danııar Bekaıdarov Qylmystyq-prosestik kodekstiń 200-baby boıynsha memlekettik organdarda sybaılas jemqorlyq táýekelderin joıý maqsatynda engizilgen usynystar jóninde má­lim­dedi. Onyń aıtýynsha, birinshi jartyjyldyqta Sybaı­las jemqorlyqqa qarsy qyzmet pen aýmaqtyq bólimsheler ár­túr­li memlekettik organdarǵa 1700-ge jýyq usynys jasapty. Onyń basym bóligi, naqtyraq aıtsaq, 722 usynys ishki ister organdaryna baǵyttalypty. So­ny­men qatar túrli deńgeıdegi ákimdikterge – 390, bilim berý mekemelerine – 86, memle­kettik kiris organdaryna – 44, kvazı­mem­lekettik sektorǵa 80 usy­nys joldanǵan eken. Mundaı usy­nystardy daıyndaý kezinde quqyq buzýshylyq jasaýǵa yq­pal etetin sebepter men jaǵ­daı­lar zerttelip, anyqtalyp­ty. Bul tásil sybaılas jem­qor­lyq­tyń aldyn alýǵa, sondaı-aq jaǵ­daılarǵa ıtermeleıtin táýe­kel­derdi azaıtýǵa baǵyttalǵan.
Baspasóz jıyny barysynda Danııar Bekaıdarov buqaralyq aqparat quraldary qyzý tal­qylap jatqan «Astana LRT» JShS-nyń burynǵy basshysy Talǵat Ardanǵa qatysty is­ke toqtaldy. Ol qazirgi tańda Nur-Sultan qalalyq Sybaılas jem­­qorlyqqa qarsy qyzmeti jeńil relsti kólik jobasy qury­lysyna qatysty bıýdjet qar­jy­syn jym­qyrý faktisi boıyn­sha qyl­mys­tyq tergeý júr­gi­zip jatqanyn aıtyp, budan ar­tyq aqparat bere almaıtynyn málimdedi.