Sondaı jobalardyń biri - «Ákimshilik óndiristerdiń biryńǵaı tizilimderi» jobasy. Joba is-qujatty toltyrý prosesi jáne jol-kólik buzýshylyqtary boıynsha aıyppuldar tóleý isin avtomattandyrady. Bul týraly QR Bas prokýratýrasynyń quqyqtyq statıstıka jáne arnaıy esepke alý jónindegi Komıtetiniń Qyzylorda oblysy boıynsha basqarmasynyń bólim basshysy Mádı Ábishev jýrnalıstermen ótken brıfıngte baıandady.
Elektrondy jobalardyń biri «e-О́tinish» jobasy. Bul azamattardyń ótinishterin qaraý jáne qabyldaý boıynsha memlekettik organdardyń áreketterin qurylymdaýǵa arnalǵan. Júıe ótinishterdiń merzimderiniń buzylýyn anyqtaýǵa, memlekettik organdardyń jáne aýdan boıynsha azamattardyń problemalyq suraqtaryna taldaý jasaýǵa, qaraýyna jatpaıtyn ótinishterdi anyqtaýǵa múmkindik beredi.
Brıfıng barysynda bólim basshysy Mádı Ábishev kásipkerlik sýbektilerin tekserýdi azaıtýǵa baǵyttalǵan jobalardyń tıimdiligin atap ótti.
«Ashyqtyqqa qol jetkizý úshin barlyq memlekettik organdarda TSOBT aqparattyq júıesi qoldanysqa engizildi. 2018 jyldyń shilde aıynan bastap tekserýler elektrondy túrde tirkele bastady. Bul óz kezeginde baqylaýshy memlekettik organdarǵa kabınette otyryp tekserý taǵaıyndaýǵa jáne kásipkerlerdiń ýaqytyly habarlama alýyna múmkindikter berdi. Tekserý tirkelgennen keıin kásipkerdiń uıaly telefonyna «Sizge tekserýmen keledi» mátini boıynsha Push-habarlama keledi. Al aldaǵy ýaqytta júrgiziletin tekserý boıynsha uıaly qosymshaǵa «Nege MEN?» batyrmasy qosylady», deıdi M.Qanatuly.
Qyzylorda oblysy
