«Báıterek-Fest» ulttyq festıvali aıasynda ótken ıgi shara «Azamattyq bastamalardy qoldaý ortalyǵy» AQ-nyń memlekettik granty sheńberinde júzege asyryldy. Talantty jastardyń ónerin sarapqa salǵan qazylar alqasy eki kún boıy 14-28 jas aralyǵyndaǵy ul-qyzdardyń sheberligin shyńdap, aqyl-keńester berdi. Jastar horeografııa, ym tili, akterlik sheberlik jáne dızaın salasy boıynsha toptarǵa bólinip, ónerlerin ortaǵa saldy.
Joba jetekshisi Quralaı Túsipbekovanyń aıtýynsha, festıval talantty jastardy izdeý maqsatyn dittegen. Estý kemistigi bar balalarǵa arnalǵan oblystyq arnaıy mektep-ınternaty janynda qurylǵan «Sensitive» baldyq bı ansambli osy múmkindikti qalt jibermeýge tyrysty. О́nerli ul-qyzdar ym-ıshara tilinde oryndaýshylyq qabiletterin shyńdaı túsken.
«О́nerli jastar qatary qalyń. Men olarǵa sahnada ózin qalaı ustaý jáne ym tilinde ne nársege mán berý kerektigin úırettim. Estý qabileti nashar balalardyń arasynda horeografııa salasyn jetik meńgergenderi az emes. Biz buǵan sheberlik saǵattary kezinde anyq kóz jetkizdik», deıdi sýrdo aýdarmashy Hasan Israılov.
Joba uıymdastyrýshylarynyń aıtýynsha, sheberlik synyptarynyń qorytyndysy boıynsha úzdik dep tanylǵan 250 úmitker 27-28 tamyz kúnderi Nur-Sultan qalasynda ótetin aqtyq synǵa qatysady. Olardyń ishinen ozp shyqqan úsh jeńimpaz Delfıı komıtetiniń halyqaralyq shyǵarmashylyq jobalaryna qatysý quqyǵyna ıe bolady.
Soltústik Qazaqstan oblysy
