Azyq-túlik ónimderin jetkizý qyzmeti Nur-sultan, Almaty, Shymkent, Pavlodar, Qaraǵandy qalalarynyń tergeý ızolıatorlarynda jumys isteı bastady.
Sottalǵandardyń týysqandarymen beınebaılanys arqyly sóılesýleri Aqmola oblysyndaǵy QAJ-dyń eki mekemesinde synaqtan ótkiziledi.
IIM bul jobalardy iske asyrý penıtensıarlyq júıede sıfrlandyrýdy damytýǵa, izgilendirý deńgeıin arttyrýǵa, sybaılas jemqorlyq pen shaǵymdardyń sanyn azaıtýǵa yqpal etedi, sondaı-aq sottalǵandardyń quqyqtary men zańdy múddelerin qamtamasyz etýdiń halyqaralyq standarttaryna jaqyndatady dep esepteıdi.
Osy servıster arqyly tapsyrys berý jáne jetkizý QAJ mekemeleriniń tapsyrystardy qabyldaý bıýrosyndaǵy kezekti joıady,sondaı-aq sottalǵandarǵa jáne qamaýǵa alynǵandarǵa tyıym salynǵan zattardyń ótý faktilerin tómendetedi.
QAJ mekemelerinde ustalatyn adamdar ózderiniń týystary men jaqyndaryn mindetti túrde kelýge májbúrlemeıdi, qoldanysqa engizilgen servıs arqyly ruqsat etilgen taýarlar men ónimderdi satyp alýǵa múmkindik týdy. Osyndaı servısterdiń qyzmetin tergeý-qamaýǵa alynǵandar jáne sottalǵandardyń týystary men jaqyndary da paıdalana alady.
Arnaıy elektrondyq dúken jáne sálemdemelerdi penıtensıarlyq júıege jetkizý jónindegi servıs taýar óndirýshiler bolyp tabylmaıdy, ol jergilikti jáne sheteldik óndirýshilerdiń ónimderine arnaıy alańdy usynady.
Servısterdi qoldanysqa engizý - sottalǵandardyń taýardy mekeme ishindegi dúkennen nemese elektrondyq dúkennen tańdaýyna jol ashady. Iаǵnı, básekelestik orta qalyptastyryp otyr. Al básekelestik tutynýshylarǵa sapaly ári baǵasy qolaıly taýarlar usynaýǵa degen qyzyǵýshylyqty arttyrady.
