Sharaǵa QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń aldyn alý jáne parasattylyq basqarmasynyń bas mamany Nurgúl Muqataı jáne oblystyq ortalyq meshitiniń bas ımamynyń orynbasary Qajymuhan Eljan qatysty.
Shara barysynda Nurgúl Muqataı sybaılas jemqorlyqtyń aldyn alý baǵyttary boıynsha ıaǵnı sybaılas jemqorlyqqa qarsy monıtorıng jáne sybaılas jemqorlyq táýekelderin taldaý jumystary boıynsha túsinik berip ótti.
Sonymen qatar, «Mańǵystaý – adaldyq alańy» jobasynyń aıasynda atqarylǵan jumystarymen tanystyryp ótti.
Aıta ketsek, Departamentpen jáne «Mańǵystaý – adaldyq alańy» jobalyq ofısiniń bastamasymen tulǵa boıynda adaldyq qasıetterin nyǵaıtý men birge sybaılas jemqorlyqqa qarsy mádenıetti qalyptastyrý maqsatynda jyl basynan beri 109 «Adaldyq dúkenderi» oqý oryndarynda, Aqtaý áýejaıynda, Abaı atyndaǵy mádenıet úıinde, Mańǵystaý oblystyq polısııa departamentiniń ǵımaratynda jáne Arnaıy halyqqa qyzmet kórsetý ortalyqtarynda ashyldy. Memlekettik mekemelerdiń jumysynyń ashyqtyǵyn azamattarǵa, kelýshilerge qol jetimdiligin qamtamasyz etý maqsatynda Mańǵystaý oblystyq kóshi qon polısııasynyń jáne Mańǵystaý oblystyq metrologııa departamentiniń birinshi basshylarynyń kabınetteri «Open space» formatyna kóshirildi.
Budan basqa, «Mańǵystaý – adaldyq alańy» jobasymen «Meıirbıke» JShS kolledjiniń oqý ǵımaratynyń ornalasqan jerinde stýdentter úshin júrginshiler jolaǵyn saldyrý máselesi ońynan sheshildi.
Sondaı - aq, oblystyq ortalyq meshitiniń bas ımamynyń orynbasary Qajymuhan Eljan sybaılas jemqorlyq sııaqty uǵymnyń qoǵamǵa tıgizer zııany týraly aıtyp ótip, tek qana zaıyrly zańdar emes, sonymen birge qasıetti Quran aıattary men Muhammed Paıǵambardyń súnnetimen de asa qatal túrde aıyptalatynyn jetkizdi.
Shara sońynda mekeme qyzmetkerleriniń týyndaǵan suraqtaryna jaýap berilip, sybaılas jemqorlyqqa qarsy beınerolıkter kórsetildi.
Mańǵystaý oblysy
