О́zara áriptestikke múmkindik mol
Juma, 18 qańtar 2013 7:41
Astanada Qazaqstan Qorǵanys mınıstri Ádilbek Jaqsybekov Chehııanyń Qazaqstandaǵy Tótenshe jáne ókiletti elshisi Bedrjıh Kopeskıdi qabyldady, dep habarlady Qorǵanys mınıstrliginiń baspasóz qyzmeti.
Kezdesý qorytyndysy boıynsha taraptar Qazaqstan men Chehııa arasynda júıeli ǵalamdyq jáne aımaqtyq deńgeıdegi qaýipsizdik pen beıbitshilikti saqtaýǵa baǵyttalǵan turaqty saıası suhbat qalyptasyp otyrǵanyn jáne onyń jalǵasýy men keńeıe túsýine qajetti sapaly jaǵdaılar jasalǵandyǵyn atap ótti.
Juma, 18 qańtar 2013 7:41
Astanada Qazaqstan Qorǵanys mınıstri Ádilbek Jaqsybekov Chehııanyń Qazaqstandaǵy Tótenshe jáne ókiletti elshisi Bedrjıh Kopeskıdi qabyldady, dep habarlady Qorǵanys mınıstrliginiń baspasóz qyzmeti.
Kezdesý qorytyndysy boıynsha taraptar Qazaqstan men Chehııa arasynda júıeli ǵalamdyq jáne aımaqtyq deńgeıdegi qaýipsizdik pen beıbitshilikti saqtaýǵa baǵyttalǵan turaqty saıası suhbat qalyptasyp otyrǵanyn jáne onyń jalǵasýy men keńeıe túsýine qajetti sapaly jaǵdaılar jasalǵandyǵyn atap ótti.
Eki jaqty yntymaqtastyq Qazaqstan Prezıdenti Nursultan Nazarbaevtyń 2012 jyldyń qazan aıyndaǵy Chehııaǵa sapary barysynda bekı tústi. Sol jolǵy joǵary deńgeıde ótken kezdesýdiń mańyzdy nátıjesi eki el qorǵanys vedomstvolary arasyndaǵy áskerı saladaǵy yntymaqtastyq týraly kelisimge qol qoıý boldy. Al Qazaqstan men Chehııa arasyndaǵy áskerı-tehnıkalyq yntymaqtastyq salasyn damytý ózara tájirıbesi burynnan qalyptasqan.
2012 jyldyń sońynda Chehııa Qorǵanys mınıstrliginiń shaqyrýymen qazaqstandyq áskerı delegasııa Praga kórmesi men «Bolashaqtyń sarbazy» konferensııasyna qatysyp, otandyq áskerı mamandar kıberqaýipsizdik, terrorızmge tosqaýyl, ınfraqurylymdy qorǵaý sharalaryn uıymdastyrý boıynsha NATO tájirıbesimen tanysqan edi.
Qazirgi kezde ulttyq tehnologııalyq damý baǵdarlamasy sheńberinde Qazaqstan qorǵanys vedomstvosy chehııalyq kompanııalarmen aradaǵy ózara baılanysty nyǵaıtýdyń, olardan strategııalyq emes qarýdy alý men óndirýdiń múmkindikterin qarastyrýda.
Osyny eske ala otyryp, Ádilbek Jaqsybekov Chehııa tarabyna halyqaralaq KADEX-2014 qarý-jaraq jáne áskerı múlik kórmesine qatysýdy usyndy.
