Bozkilemde – burymdylar

Áıelder kúresi Qazaqstanǵa keshteý keldi. Soǵan qaramastan jerlesterimiz kúrestiń osy túrin jetik  meńgerip, qysqa ǵa­na merzim aralyǵynda bir­ta­laı bıik belesterdi baǵyn­dy­ryp úlgerdi. Álem chempıo­nat­taryndaǵy alǵashqy tabysqa biz 2007 jyly qol jetkizdik. Ázer­­baıjannyń bas shahary – Bakýde ótken báse­kede Elena Sha­ly­gına (63 kılo) kúmis alsa, Olga Smırnova (55 kılo) men Olga Jánibekova (72 kılo) qola medaldy ıe­len­di. Jalpykomandalyq esepte Japonııa, Fransııa, Qytaı já­ne Bolgarııadan qalyp qoıǵa­nymyzben, jıǵan upaılar sany jaǵynan Kúnshyǵys eli arýlarynan keıingi ekinshi oryndy oljaladyq.

2008 jyly Tokıoda Juldyz Eshimova (48 kılo) jasyndaı jar­qyrady. Belarýs, Grekııa, Mońǵolııa jáne Qytaı sportshylaryn san soqtyrǵan ol fınalda amerıkalyq Klarıssa Chýngege ese jiberdi. Nátıjesi – kúmis medal. 2009 jyly Da­nııanyń Hernıng qalasynda Elena Shalygına (63 kılo) qo­la júldeni qorjynǵa saldy. Jar­tylaı fınalda japonııalyq Mıo Nısımakıge áli jetpedi. 

2010 jyly dál sol Elena Sha­lygına (67 kılo) úshinshi már­te jeńis tuǵyryna kóterildi. Más­keýdegi olja – kúmis júlde. Jańa salmaq dárejesine aýysqanyna qaramastan ózin jaqsy qyrynan kórsetken Elena kanadalyq Martına Dıýgrıneden ǵana utyldy. Sol sekildi 2011, 2012 jáne 2013 jyldary elge bir-bir medalmen oraldyq. Ystanbulda Juldyz Eshimova (48 kılo) úshinshi orynǵa taban tiredi. Albertada Gúzel Manıýrova (72 kılo) aqtyq synǵa deıin alqynbaı jetkenimen, sheshýshi tusta Iennı Fransonnan je­ńildi. Býdapeshte Ekaterına Larıonova (63 kılo) úzdik úsh­tikti qorytyndylady. 2014 jy­ly Tashkent jáne 2015 jyly Las-Vegastan qorjynymyz bos qaıtty. 2016 jyly Býdapeshte Aıym Ábildına (55 kılo) úshi­n­shi orynǵa jaıǵasty. О́ki­nishke qaraı, Parıj ben Bý­da­peshte uıymdastyrylǵan básekelerde baǵymyz janbady.

Osylaısha, áıelder kúresinen ótken álem chempıonattarynda Qazaqstan quramasy 4 kúmis já­ne 6 qola medalǵa qol jet­kizdi. Barlyǵy – 10 júlde. Sporttyń bul túri elimizge ke­sheýildep jetkenin eskersek, bul jerlesterimiz úshin qomaqty tabys. Desek te biz Nur-Sultanda arýlarymyz altyn tuǵyrǵa kó­terilse dep armandaımyz.