Qazaqstan Respýblıkasy Qarýly Kúshteriniń desantshylar komandasy 21 eldiń komandalarymen birge saıystyń ashylý rásimine qatysty. Saltanatty is-shara komandalardyń saptyq adymmen ótip shyǵýynan bastaldy. Saıys qatysýshylary men qonaqtardy Reseı Federasııasy tarapynan Áýe-desanttyq áskerleri qolbasshysy mindetterin ýaqytsha atqarýshy general-leıtenant Vladımır Kochetkov quttyqtaý sózimen qarsy aldy. Saıys týyn kóterý quqyǵy, Reseılik jaýynger Aleksandr Karavaıǵa buıyrdy.
-Jyldan-jylǵa desantshylar konkýrsyna qatysýshy memlketterdiń sany artyp, saıystyń deńgeıi ósip jatyr. Bul jerde óz eliniń úzdik jaýyngerleri jınalǵan jáne olar el namysyn abyroımen qorǵap, osy saıysta bar kúshterin salady dep oılaımyn. Sonymen qosa, osy saıysty bizdiń memleketterimizdiń arasyndaǵy dostastyq pen álemdik terrorızmge qarsy baǵyttalǵan ortaq belgi dep sanaımyn, dedi general-leıtenant Vladımır Kochetkov.
Is-shara orkestr men án jáne bı Ansambl qatysýshylary usynǵan konsertimen bastalyp, desantshylardyń taktıkalyq jáne jeke sheberliginiń demonstrasııasymen aıaqtaldy. Qoıylym sonynda BMD-4 mashınalyry áskerı tehnıkadaǵy «desantshylar valsin» usyndy.
Dalalyq mashylyqtylyqtyń «Desanttyq vzvod» Halyqaralyq konkýrsy Pskov oblysynda 13 tamyzǵa deıin sozylady. Jarysqa 21 eldiń ókilderi qatysady. Olar Reseı, Qytaı, Ońtústik-Afrıka Respýblıkasy, Aljır, Marokko, Abhazııa Respýblıkasy, Angola, Armenııa, Belarýs, Venesýela, Iran, Kambodja, Qyrǵyzstan, Kýba, Malı, Sırııa, Sýdan, Tájikstan, Shrı-Lanka, Ońtústik Osetııa jáne Qazaqstan. Desantshylardy aldaǵy ýaqytta Pskov polıgondarynda ótetin 4 etap kútip tur. Jerebe nátıjesi boıynsha Qazaqstan desantshylary saıysty 3 bolyp bastaıdy.
Mańǵystaý oblysy
