Mysaly, onyń kartadaǵy kezekti marshrýty meksıkalyq sýretshi Frıda Kalonyń portreti retinde kórindi. Muny jasaý úshin jelaıaq jigit 47 shaqyrym aýmaqty alty saǵat ishinde júgirip ótken. Osylaısha ol sońǵy tórt jylda bas-aıaǵy 54 sýret qurastyryp shyqqan. Raýshan gúli, tolqyndy shashyn samal terbetken boıjetken, quıryǵyn tiktegen mysyq sııaqty tamasha óner týyndylarymen talaılardy tańǵaldyrǵan «sýretshi» San-Fransıskonyń 20 jyldan bergi turǵyny. Onyń shyǵarmashylyǵyna arqaý bolǵan taqyryptar da osynaý ásem qalanyń tarıhymen astasyp jatyr. Alǵashqy teledıdar, Kalıfornııadaǵy ormandy órtten qutqarýshylardyń dýlyǵasynyń beınesi onyń taban izinen sýsyp túsip jatsa, Betmen sımvoly qalanyń eń tamasha ortańǵy bóligin qamtıdy.
«San-Fransısko kósheleri men úshin kenep betindeı. Bir-birine jalǵasqan kósheler arqyly túrli fıgýralardy oılap tabamyn. Aspandaǵy aq bulttan túrli beıneler jasap alatyn balanyń isi sııaqty, qyzyq dúnıe», deıdi jelaıaq «sýretshi».
