Aımaqtar • 07 Tamyz, 2019

Arys qalasynda 7 áleýmettik nysan tolyq qalpyna keltirildi

480 ret

kórsetildi

1 mın

oqý úshin

Qurylys jáne TKSh isteri komıtetiniń málimeti boıynsha, Arys qalasynda jalpy alǵanda 9313 qurylysshy eńbek etýde. 7 myńnan astam maman turǵyn úı qoryn qalpyna keltirýde, qalǵan bóligi áleýmettik nysandarda iske qosýmen aınalysýda. 6 tamyzǵa deıin brıgadalar 7 bilim berý mekemesin tolyq jóndeýden ótkizip, paıdalanýǵa tapsyrdy. Bilim berý, densaýlyq saqtaý jáne sport salasyndaǵy 59 nysannyń qurylys jumystary aıaqtalýda, dep Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Egemen Qazaqstan

Arys qalasynda 7 áleýmettik nysan tolyq qalpyna keltirildi

Sondaı-aq aptap ystyqqa qaramastan, qurylysshylar 2405 úıde kosmetıkalyq jóndeý jumystaryn aıaqtaıdy. Apatty dep tanylǵan taǵy 413 úı buzylyp, rekordtyq merzimde qurylysy salynyp jatyr.

Esterińizge sala keteıik, áskerı polıgondaǵy jarylystardan Arys qalasynyń turǵyn úı qorynyń 85% zardap shekken edi. 1 tamyzǵa deıin Qurylysshylar 6,5 myń JTQ jáne KPTÚ obektilerin qalpyna keltirdi, bul barlyq qıraǵan úılerdiń 90%. Aýqymdy qurylysqa barlyq óńirler men Respýblıkalyq mańyzy bar qalalar tartylǵan.