Qaldyq - 2,4 mln. dana Iri qara mal (IQM) terisi eskerilmeı qaldy. Osy oraıda, otandyq kásiporyndar shıkizat tapshylyǵyn sezinip otyrǵanyn aıta ketý kerek, bul kóleńkeli eksporttyń bar ekenin kýálandyrady,sondaı-aq ol kásiporyndardyń jumysyna, olardyń básekege qabilettiligi men jalpy sala óndirisiniń kórsetkishterine, sondaı-aq eksporttyq áleýetke jáne bylǵarydan jasalǵan ónimniń qol jetimdiligine keri áser etedi. Búgingi kúni jyldyq qýaty 2,7 mln. dana IQM terisimen 11 bylǵary kásiporny jumys isteıdi.
Osyǵan baılanysty, VAK sheshimi boıynsha iri qara maldyń terisin Qazaqstan aýmaǵynan alty aı merzimge shyǵarýǵa tyıym salyndy. Tyıym 2019 jylǵy 10 naýryzdan 10 qyrkúıekke deıin qoldanylady.
Aıta ketý kerek, 2019 jyldyń 6 aıynyń qorytyndysy boıynsha jáne tyıym salýdy engizý arqyly osy salada oń dınamıka baıqalýda. Máselen, IQM terisinen jasalǵan teri óndirisiniń kólemi 2,4 esege artty. Kásiporyndardyń aqparaty boıynsha alys-beris shıkizatyn óńdeýge tapsyrystardyń kólemi ósti, kásiporyndarǵa áleýetti ınvestorlar tarapynan qyzyǵýshylyq artyp otyr. Toqtap turǵan 3 kásiporyn iske qosyldy («Qýat 2002» JShS, «Úmit» JShS, «PetropavlovskTannery» JShS).
Sonymen qatar, Indýstrııa jáne ınfraqurylymdyq damý mınıstrligi Aýyl sharýashylyǵy mınıstrligimen jáne «Atameken» UKP birlesip aǵymdaǵy jyldyń 3-9 maýsymy aralyǵynda bylǵary óńdeý kásiporyndaryna tekserý júrgizý maqsatynda 15 kásiporynǵa bardy. Qolda bar 17 óndiristiń 6-da óńdelmegen teriden daıyn terige deıin tolyq qaıta óńdeý jelisi bar, 3-de teri men qoı terisinen jasalǵan daıyn buıymdar shyǵarady, qalǵan 8 kásiporyn bylǵary jartylaı fabrıkattaryn («vet blıý» jáne krast) shyǵarady.
IQM terisin óńdeý boıynsha jumys istep turǵan kásiporyndardyń qýattylyǵy jylyna 2,7 mln. danany quraıdy. Barlyq kásiporyndar jumys istep turǵan kezinde qýattylyǵy jylyna 3 mln. danadan astam IQM terisin quraıtyn bolady.
