– Bıyl shilde aıynyń alǵashqy kúnderi Nur-Sultan qalasynan kóship kelgen 35 otbasyny qarsy aldyq. Bul «Nurly Ertis» baǵdarlamasy boıynsha Ekibastuzǵa qonys aýdarýshylardyń jetinshi legi. Qonystanýshylarǵa arnalǵan baǵdarlama boıynsha óńirge 137 otbasy qonys aýdardy. Aldyńǵy kelgen 103 otbasynyń 57 adamy jumysqa ornalasty, – deıdi oblys ákimi Bolat Baqaýov.
О́ndiristi óńirge kóship kelgen 137 otbasynyń ishinde 825 eresek adam bolsa, 569-y – balalar. Oblystyq jumyspen qamtý jáne áleýmettik baǵdarlamalardy úılestirý basqarmasynyń málimetinshe, bul kúnderi óńirde 25 myń jumys orny bos, onyń ishinde 10 myńy turaqty jumys kózi eken. Osy rette aıta ketelik, «Nurly Ertis» baǵdarlamasy elimizde qanatqaqty joba negizinde bastalǵan-dy. О́ıtkeni Ekibastuz qalasynda salynǵan turǵyn úıler óz qunyna saı ýaqytynda satyla qoımady. Árıne, tegin jatqan dúnıe joq. Sondyqtan atalǵan baǵdarlama boıynsha qonystanýshylarǵa páter berilýde.
Ákimdiktiń habarynsha, qonys aýdarýshylarǵa jan-jaqty kómek kórsetiledi. Olardy qaladaǵy jumys kúshi qajet kásiporyndarǵa shaqyryp, jumyspen qamtamasyz etpek. Ekibastuzda iri jáne shaǵyn kásiporyndar jeterlik, kásipkerlik salasy da jaqsy damyǵan. Basqarmanyń málimetinshe, kóship kelgen otbasylardyń balalary balabaqsha men mektepke ornalastyrylady. Ataýly áleýmettik kómek berý úshin qujattaryn ázirleıdi. Iаǵnı, halyqtyń ál-aýqaty men ómir súrý sapasyn jaqsartý boıynsha qoldaý sharalary júzege asyrylýda. Qonystanýshylarǵa áleýmettik kómek kórsetý aıasynda jol shyǵyny óteledi, páterde alǵashqy jyly tegin turady. Odan keıin tórt jyl otbasylar kommýnaldyq qyzmet qunymen qatar aı saıynǵy jalǵa alý qunyn tóleıdi. Máselen, 3 bólmeli páterge aı saıyn 14 myń teńge tóleıdi. Al 5 jyldan soń páter qunynyń qalǵan qunyn tólep, atyna aýdaryp alýǵa quqyly. Eger qajet etpese, jalǵa alý shartyn uzartyp, ári qaraı tura beredi. Qazir qonys aýdarýshylardyń bir bóligi GRES-2 stansasynda, «Green Nouѕe-Kaztomat» JShS-nde «Qaraǵandy Bı-Enerdjı», Motor-vagon deposynda jáne densaýlyq saqtaý men bilim berý mekemelerinde eńbek etýde. Qalǵan 188 adamnyń 51-i bala kútimine baılanysty demalysta bolsa, 40 qonys aýdarýshyǵa jumysqa ornalasý úshin joldama berilgen. Olardyń arasynda bir kardıolog, eki jalpy tájirıbe dárigeri bar. О́zgelerin de jumysqa ornalastyrý boıynsha jumys júrgizilýde. Jyl sońyna deıin qonys aýdarýshylar sanyn 200 otbasyǵa jetkizý josparlanyp otyr.
Qonys aýdarǵandardyń biri Rústem Orazbaev qazir «Greenhouse-Qaztomat» JShS jylyjaıynda kókónis ósirýshi bolyp eńbek etedi. «Men birden jumys taptym, deıdi Rústem. – Qazir 5 balam balabaqshadan oryn alyp, mektepke qabyldandy. Ekibastuz halqy bizdi jyly kóńilmen qarsy alǵany qýantady». Al Aıdarbek Máminov áý basta Shardara qalasynan Nur-Sultanǵa kóshken eken. «Nurly Ertis» baǵdarlamasynyń sharttary unady. Buǵan deıin páter jaldap turdyq. Endi mine,
3 bólmeli páter aldyq, 6 balam mektepke, balabaqshaǵa barady. Jumys bar», deıdi ol. Qonys aýdarýshylardyń barlyǵy turǵylyqty meken-jaı tirkeýin aldy. «Elge el qosylsa – qut». Jaqsylyqpen bastalǵan baǵdarlama uzaǵynan bolsyn demekpiz.
Pavlodar oblysy
