Qazaqstan • 09 Tamyz, 2019

Elektrondy platforma – oqýshyǵa da, muǵalimge de ortaq

670 ret
kórsetildi
2 mın
oqý úshin

Almaty qalasy kásipkerler palatasynyń IT keńesinde Qalalyq bilim berýdegi jańa tehnologııalar ǵylymı-ádistemelik ortalyǵynyń dırektory Andreı Dýpık shahardaǵy jalpy bilim beretin mektepter bazasynda fakýltatıvter ashylyp, suranysqa ıe baǵyttar – mobıldi qosymshalar, veb-saıttar, oıyndar, 3D modeldeý, robottehnıka boıynsha árbir oqýshy men muǵalimge qoljetimdi elektrondy platforma jasalatynyn jetkizdi.

Elektrondy  platforma – oqýshyǵa da, muǵalimge de ortaq

Bul júıede belgili bir taqyryp boıynsha beıne- sabaqtar, kontent, testileý júr­giziledi. Joba qaladaǵy IT-kompanııalarmen keńesip ja­sa­lady. Qazir jobanyń elek­trondy platformasyn qurý jumystary júrgizilýde. Al­­ǵashqy kezeńde qala mek­tep­teriniń 50 paıyzyn qamtý jos­parlanyp otyr.

Jańa oqý jyly bastalǵan sátte Almaty oqýshylary tolyq materıaldyq-teh­nıkalyq jáne ádistemelik qamtamasyz etilgen IT-sy­nyptar jumysymen tanysady. Al belgilengen merzimge deıin baǵdarlamasy bekitilip, oqytýshylar daıyndyqtan ótedi.

Respýblıkadaǵy sıfrlandyrý baǵdarlamasy aıasynda ári  IT-oqytý úderisine tar­tylǵan balalar sanyn art­tyrýǵa baǵyttalǵan Alma­ty­daǵy alǵashqy jobaǵa qa­la bıýd­jetinen qarajat qaras­ty­rylǵan.

Sıfr­­­landyrý baǵ­­­­­­­­­­dar­­­­­­la­ma­sy aıa­­synda Jol kar­­tasyna sáıkes qa­la­­daǵy №54 mektep-gımna­zııa bazasynda IT-lıseı ashý jáne Wi-Fi mektepterin 100 paıyzǵa deıin jelimen jab­dyqtaýmen qatar, QBTÝ janyndaǵy ınjınırıng jáne aqparattyq tehnologııalar ınstıtý­ty Almaty qalasy IID úshin krımınogendik jaǵ­daı­dyń monıtorıngi jú­ıesi ázirlengen (biryńǵaı ortalyqta onlaın rejiminde krımınogendik jaǵdaıdyń monıtorıngi jáne vızýalızasııasy, zańsyz áreketterdiń aldyn alý boıynsha sheshim qabyldaýǵa kómektesý, ózara baılanysty qylmystar boıynsha jıyntyq aqparat usy­ný). Quramyna qalanyń jetekshi ınnovasııalyq kompanııalary kiretin IT keńes ótken jyly Almaty qalasy kásipkerler palatasynyń bazasynda qurylyp, salany damytý, bıznesti, qalany sıfrlandyrý jáne avtomattandyrý baǵytyndaǵy usynystardy ázirleýdi júzege asyryp keledi.

 

ALMATY

 

Sońǵy jańalyqtar

Syr óńirinde shıbóri nege kóbeıdi?

Aımaqtar • Búgin, 16:38