Aımaqtar • 09 Tamyz, 2019

Túrkistan: kópbalaly otbasylarǵa 1345 grant bólindi

136 ret kórsetildi

Kópbalaly jáne áleýmettik kómek alatyn otbasydan shyqqan balalarǵa Ulttyq qor qarajatynan taǵaıyndalǵan 5 myń granttyń 1345-i  Túrkistan oblysyna bólingen.

Bul týraly óńirlik kommýnıkasııalar qyzmetinde ótken brıfıngte oblystyq adamı əleýetti damytý basqarmasy basshysynyń mindetin atqarýshy Ardaq Sadyqova málimdedi.  «QR Ulttyq qorynan 2019-2020 oqý jylyna arnalǵan nysanaly transfert esebinen kópbalaly jáne az qamtylǵan otbasylarynyń balalary úshin joǵary bilimdi mamandar daıarlaýǵa memlekettik bilim berý tapsyryspen joǵary oqý oryndary belgilenip otyr. Belgilengen joǵary oqý oryndarynyń ishinde «Qazaq Ulttyq agrarlyq ýnıversıteti» AQ, S.Seıfýllın atyndaǵy qazaq agrotehnıkalyq ýnıversıteti, Q.A.Iаsaýı atyndaǵy HQTÝ, M.Áýezov atyndaǵy OQMÝ, Ońtústik Qazaqstan memlekettik pedagogıkalyq ýnıversıteti, Abaı atyndaǵy Qazaq Ulttyq ýnıversıteti, Qazaq memlekettik qyzdar pedagogıka ýnıversıteti, Syrdarııa ýnıversıteti, «Ońtústik Qazaqstan medısına akademııasy» AQ bar», – dedi A. Sadyqova. Grant qarajaty transfert arqyly jergilikti ákimdikterge beriledi. Olar ózderiniń qajettiligin eskere naqty mamandyqtar tizbesin anyqtap, grant beredi. Konkýrsqa qatysý úshin talapker nysanaly topqa jatqanymen qatar, UBT-nyń shekti balyn jınaýy qajet.

Q.A. Iаsaýı atyndaǵy Halyqaralyq qazaq-túrik ýnıversıtetiniń oqý-ádistemelik isi jónindegi prorektory О́.Úmbetovtiń aıtýynsha, ýnıversıtetke 294 grant bólingen. Osyǵan səıkes qazirgi tańda 21 bilim berý baǵdarlamasy boıynsha talapkerlerden qujattar qabyldanýda. Jalpy, óńirge bólingen granttarǵa ıe bolý úshin úmitkerler jergilikti atqarýshy organdarǵa ótinish bere alady. Bul arada ákimdikter granttardy UBT balyna jáne grant sanyna qaraı taǵaıyndaıdy jáne jeńimpazdardyń tizimin jergilikti BAQ-ta jarııalaıdy. Barlyq nysanaly grant ıegerlerine ádettegideı 20 949  teńge kólemindegi shákirtaqy taǵaıyndalady. Sonymen qatar, demalys kezinde jylyna 2 ret jol ótemaqysy tólenedi.

 

Túrkistan oblysy

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar