Jeke kitaphana qoryn jańartý, uly aqyn Abaı Qunanbaevtyń shyǵarmalaryn nasıhattaı otyryp, jastar qaýymyn sırek týyndylarymen tanystyrý maqsatynda ótken sharada aqynnyń eń úzdik óleńderi, qara sózderi men ánderi oqyldy. Jastar Bookcrossing-niń eń belsendi qatysýshylary syılyqtar oınatýǵa jáne uly aqynnyń shyǵarmalary men óleńderin oqýǵa arnalǵan kvızge qatysyp, tamasha konserttiń kýási boldy. Sharaǵa arnaıy shaqyrylǵan «Ulttyq aýdarma bıýrosynyń» redaktory Eseı Jeńisuly men «Móldir bulyq» jýrnalynyń redaktory Saıat Qamshyger hakim óleńderiniń búgingi jas urpaq úshin tárbıelik máni zor ekenin atap ótti.
Uly Abaı shyǵarmalaryn nasıhattaý maqsatynda Almatyda 1 tamyzdan bastap Baıtursynov kóshesi, 22/k-1, Depo Evolution Park, Jastar Resýrstyq Ortalyǵy, 4-qabat meken-jaıy boıynsha kitaptardy qabyldaý pýnkti ashylǵan bolatyn. Osy ortalyqta Abaı Qunanbaevtyń kez kelgen shyǵarmalarymen birge kórkem ádebıet, balalar, jasóspirimder jáne iskerlik, sondaı-aq, psıhologııa, fılosofııa jáne ózin-ózi damytýǵa arnalǵan kitaptar qabyldandy.
ALMATY
