Stýdentter «Shyǵys» aımaqtyq qolbasshylyǵynyń polıgonynda jattyqty.
Al, ýnıversıtettiń áskerı kafedrasy zapastaǵy ofıserlerdi daıarlaý baǵdarlamasy boıynsha áskerı daıarlaý, jumyldyrý rezervin qamtamasyz etý maqsatynda mamandyqtar daıyndaıdy.
Zapastaǵy ofıserler baǵdarlamasy áskerı daıarlaýdy óteýsiz jáne óteýli negizinde júzege asyrylady.
Áskerı kafedrada oqytý teorııalyq, praktıkalyq oqytýdan jáne oqý-jattyǵý jıynynan turady.
Kafedraǵa qabyldanǵan stýdentter oqý vzvodtary boıynsha bólinedi. Oqý vzvodtarynyń jeke quramy men olardyń komandırleri stýdentter qatarynan áskerı kafedra bastyǵynyń buıryǵymen taǵaıyndalady.
- Dalalyq jıyn eki apta boıy ótip, biz stýdent jastar áskerı ómirdiń tártibine úırendik. Jattyǵýlarda áskerı kafedrada alǵan bilimderimizdi kórsete bildik,-deıdi bolashaq ofıserler.
- Dalalyq polıgonǵa 191 bolashaq ofıser jiberildi. Jıyndar- stýdentterdiń áskerı daıyndyǵynyń sońǵy kezeńi. Olar tájirıbe júzinde áskerı bilimderin shyńdady,-deıdi oqý ornynyń Áskerı kafedrasynyń meńgerýshisi, polkovnık Bolat Tokın.
Áskerı daıarlyqtan ótken jáne emtıhandardy tapsyrǵan stýdentterge «Zapastaǵy leıtenant» áskerı ataǵy jáne áskerı bılet beriledi.
Pavlodar
Sýretti túsirgen: Rýfına Torpısheva
