Jarystyń ashylý saltanatyna oblys ákiminiń birinshi orynbasary Marat Tasmaǵanbetov qatysyp, sportshylarǵa tabys tiledi.
– О́ńirde at sportynan «Tulpar» jáne qazaq kúresinen «Qyzyljar arlandary» kásibı klýbtary jumys isteıdi. Zamanaýı tennıs ortalyǵy paıdalanýǵa berildi. M.Jumabaev, Sh.Ýálıhanov aýdandarynda sport keshenderi ashyldy. Oblys turǵyndarynyń 30 paıyzǵa jýyǵy salamatty ómir saltyn ustanyp, sportpen shuǵyldanady, dedi Marat Imanbaıuly quttyqtaý sózinde.
Qazaq kúresi federasııasynyń
bas hatshysy Baqdáýlet Sábıtov, qazaq kúresinen óńirdegi alǵashqy sport sheberi Baýyrjan Quljanov óz sózderinde qazaq kúresine jáne ulttyq sporttyń damýyna tıisti deńgeıde qoldaý kórsetilip kele jatqanyn atap ótti.
Jarys baǵdarlamasyna sáıkes boz kilemge shyqqan klýb ókilderi jeti salmaq boıynsha bes mınýttan beldesti. Nur-Sultan qalasynyń «Astana batyry» men Almaty qalasynyń «Qazaq kúresi» komandalary arasyndaǵy beldesý 1:6 esebimen sońǵysynyń paıdasyna sheshildi. Qaraǵandylyqtar elordalyqtardy 7:0 esebimen oısyrata utty. «Qyzyljar arlandary» qaraǵandylyqtardy tize búktirdi.
Eki kúnge sozylǵan básekede Taraz qalasynyń «Jekpe-jek» sport klýby jeńimpaz atandy. Almatylyqtar ekinshi, alań ıeleri úshinshi orynǵa ıe boldy.
Soltústik Qazaqstan oblysy
