Merekelik keshte aımaq basshysy Serikbaı Trumov qurylys salasynyń ardagerleri men qyzmetkerlerin tól merekelerimen quttyqtap, jyl ishinde eńbekte ozat, kásipte tabystylyǵymen kózge túsken bir top ozat qurylysshylardy QR Indýstrııa jáne ınfraqurylymdyq damý mınıstrliginiń «Qurmetti qurylysshy», «Qurmetti jolshy» tósbelgilerimen, «Qurmet gramotasymen» marapattady.
Jıynda sóz alǵan óńir basshysy «Kez kelgen eldiń ekonomıkalyq kúsh-qýaty men áleýmettik turaqtylyǵy qurylys salasynyń damýyna tikeleı baılanysty. Osy oraıda, Mańǵystaý óńirinde qurylys salasy erekshe qarqynmen damyp, aýyz toltyryp aıtarlyqtaı qomaqty tabystarǵa qol jetkizýde. Jyl saıyn kári Kaspıı jaǵalaýymen japsarlas boı túzegen aqmarjan Aqtaý kelbeti kórkeıe, qanaty keńı túseri anyq. Osy oraıda qyzý eńbektiń bel ortasynda ter tógip júrgen qurylys-sáýlet salasynyń «saıypqyrandaryna» qurylys salasyn ilgeriletý isin tyń serpinmen alǵa súırep, óńir ekonomıkasynyń san-sanaly damýyna qosqan laıyqty úlesińiz úshin alǵysymyz sheksiz» dep óziniń jyly lebizin bildirdi.
Mereke qarsańynda qurylysshylar oblystyq otbasylyq úlgidegi balalar aýylyn nazardan tys qaldyrmaı, balalar úıi memlekettik mekemesine qaıyrymdylyq kómek kórsetti.
