«Desanttyq vzvod» saıysynyń tórtinshi kezeńi kedergiler jolaǵy men atys synaǵymen qıyndatylǵan bólimshelerdiń estafetasynan bastaldy. Marshrýttyń uzyndyǵy 5 shaqyrym. Onyń barysynda vzvodtyń úsh bólimshesi kezektesip júgirý jolaǵyna shyǵady. Marshrýttyń bel ortasynda desantshylardyń kedergiler jolaǵy men atys mejesi boldy. Desantshylar osy araqashyqty 8 kılogrammnan kem bolmaıyn múlikpen ótýi qajet.
Start mejesine eki eldiń desantshylary qatarlasa shyǵyp otyrdy. Bizdiń desantshylar Belarýs Respýblıkasymen talasqa tústi. Eki eldiń birinshi bólimsheleri máre syzyǵyna birge keldi. О́z kezeginde ekinshi bólimshe 200 metrge sýyrylyp alǵa shyqsa, úshinshi bólimshe basymdylyqty 500 metrge deıin jetkizdi.
Estafeta qorytyndysy boıynsha qazaqstandyq desantshylar 21 qatysýshy eldiń arasynda ýaqyt boıynsha úzdik nátıje kórsete bildi, alaıda atys mejesinde olqylyq kórsetip, biraz aıyp balldar alyp qaldy. Nátıjesinde Reseı men Qytaıdy alǵa jiberip alyp úshinshi orynǵa taban tiredi. Endigi kezekte saıystyń sheshýi synaqtary, BMD-2 áskerı tehnıkasyndaǵy estafeta men parashıýtpen dáldikke sekirý qaldy. Osy ýaqytta qazaqstandyq desantshylar úshinshi oryn úshin Iran jáne Qytaı memleketterimen talasýda.
Eske sala ketsek, Qazaqstan Respýblıkasy Qarýly Kúshteriniń áskerı qyzmetshileri 3-17 tamyz aralyǵynda Halyqaralyq armııalyq oıyndarǵa qatysýda. Konkýrstar 10 memlekettiń aýmaǵynda ótýde.
Mańǵystaý oblysy
