Qazaqstan Aqjarqyn Turlybaıdyń jaǵdaıynan habardar bolyp otyr. Qazir apellıasııa boıynsha onyń isiniń qaıta qaraý merzimi anyqtalýda. Bul jóninde Syrtqy ister mınıstrliginiń resmı ókili Aıbek Smadııarov aıtyp berdi.
– Aqjarqyn Turlybaıdyń máselesi – óte mańyzdy is. Muny qazir advokat jan-jaqty qarastyryp jatyr. Onyń isi boıynsha apellıasııa berilip, Qytaı tarapynan ekinshi otyrystyń ótkizý ýaqytyn kútip otyrmyz. Bul jaǵdaı – bizdiń elshiliktiń udaıy nazarynda. Dıplomattar Aqjarqynǵa turaqty túrde baryp turady. Áńgimelesip, ata-anasynyń hatyn jetkizip, kitaptar satyp áperedi. Ol ózin jaqsy sezinedi jáne eshqandaı ustaý jaǵdaıyna shaǵymdanbaıdy, – dedi A.Smadııarov.
Qazaqstan azamaty Aqjarqyn Turlybaı 2014 jyly Gýanchjoý áýejaıynda ustalyp, oǵan esirtki kontrabandasymen aınalysty degen aıyp taǵyldy. Eki jyldan keıin Qytaı soty ony ómir boıy bas bostandyǵynan aıyrdy. Araǵa biraz ýaqyt salyp bul úkim shegerilip, is qaıta qaraýǵa baǵyttaldy. Nıgerııalyq narkomafııanyń qurbany bolǵanyn aıtatyn Aqjarqynnyń ózi jazany jeńildetýdi nemese Qazaqstanǵa ekstradısııalaýdy kútip otyr.
