Taraz tórinde ótken Jambyl oblysynyń aýyl áıelderi forýmyna óńirdiń 10 aýdanynan 150 áıel qatysty. Áýeli oblystyq ishki saıasat basqarmasynyń basshysy Daýyl Beısenqulovtyń júrgizýimen baspasóz brıfıngi ótti. Brıfıngke Taraz qalasyna arnaıy kelgen Qazaqstan Respýblıkasy Parlamenti Senatynyń depýtaty, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Lıazzat Súleımen, Qazaqstan Respýblıkasy Parlamenti Májilisiniń depýtaty, Respýblıkalyq aýyl áıelderi forýmynyń uıymdastyrý komıtetiniń tóraıymy Maıra Aısına jáne «Jasyl ekonomıka jáne G-Global-dy damytý Koalısııasy» zańdy tulǵalar birlestiginiń Basqarma tóraǵasy, QR Prezıdenti janyndaǵy jasyl ekonomıkaǵa ótý Keńesiniń múshesi Saltanat Raqymbekova qatysyp, jýrnalısterdiń suraqtaryna jaýap berdi. Halyq qalaýlylary forýmnyń maqsaty – aýyldy jerlerde kópshilikke úlgi bolatyn áıelderdi halyqqa tanystyrý, sonymen qatar aýyl áıelderin bızneske baýlý ekenin aıtty.
Aýyl áıelderin qoldaý maqsatynda uıymdastyrylǵan forýmdy Jambyl oblysy ákiminiń orynbasary Murathan Shúkeev sóz sóılep ashyp, forým jumysyna sáttilik tiledi. «Dástúrli dala mádenıetinde qazaq áıelderi ózderiniń otbasylyq qana emes, qoǵam múshesi retindegi áleýetin túrli salalarda kórsetip keledi. Qazaqy ortada óz múddesinen góri otbasylyq múddeniń joǵary turýy áıelderdiń qoǵamdyq-áleýmettik belsendiligine esh kedergi bolǵan joq. Kerisinshe, qazaq dalasynda ataǵy jalpaq jurtqa jaıylǵan belgili ánshiler, aqyndar men maıtalman kúıshiler, parasatymen úlgi bolǵan danalar, erlik kórsetken batyr analar boldy. Kıeli Áýlıeata jeri qashanda ardaqty qyzdaryn, ataqty eńbek maıtalmany atanǵan áıel azamattaryn maqtan etedi», dedi Murathan Shúkeev. Sonymen qatar, ákimniń orynbasary aýyldy órkendetý memleketti damytýdyń negizgi sharttarynyń biri ekenin, bul rette oblys ákimdigi tarapynan aýyldy jerlerde turatyn kópbalaly otbasylarǵa jáne altyn, kúmis alqa ıegerlerine, isker áıelderge tıisti qoldaýlar kórsetilip jatqanyn jetkizdi. Budan keıin sóz alǵan depýtat Maıra Aısına elimizde bolyp jatqan jańashyldyqtardy aýyldy jerlerge jetkizý mańyzdy ekenin, aýyl áıelderi úshin kásippen aınalysýǵa múmkindik jasaý kerektigin aıtty. Halyq qalaýlysynyń aıtýynsha, 7 jyl ishinde 51 áıel kásippen aınalysý úshin 4000 AQSh dollar kóleminde nesıe alǵan. Endigi kezekte depýtat Úkimet tarapynan 5000 myń áıelge 500 myń teńgeden nesıe beriletinin jetkizdi. Al, senator Lıazzat Súleımen óz sózinde osy ýaqytqa deıin elimizde isker áıelderdi qoldaý maqsatynda kóptegen sharalardyń ótkenin, árqashan aýyl áıelderin qoldaý kerektigin aıtsa, Saltanat Raqymbekova búginde aýyl turǵyndaryna memlekettik deńgeıde kóńil bólinip jatqanyn áńgimeledi. Sonymen qatar, plenarlyq jınalysta Jambyl aýdany ákiminiń orynbasary Úmitken Naımanova, Jambyl oblystyq týrızm basqarmasynyń basshysy Qarlyǵash Aralbekova jáne Jambyl oblystyq kásipkerlik jáne ındýstrıaldy-ınnovasııalyq damytý basqarmasynyń basshysy Jeńis Sarıev sóz sóılep, pikirlerimen bólisti.
Budan keıin forým plenarlyq otyryspen jalǵasty. Plenarlyq otyrysta «Jasyl ekonomıka jáne G-Global-dy damytý Koalısııasy» ZTB Basqarma tóraǵasy Saltanat Raqymbekova «Áıelder kásipkerligin damytý jáne áleýmettik máselelerdi sheshý arqyly aýylda ómir súrý sapasy men ál-aýqatyn arttyrý» taqyrybynda baıandama jasasa, Jambyl oblystyq kásipkerlik jáne ındýstrıaldy-ınnovasııalyq damytý basqarmasy basshysynyń orynbasary Jandáýlet Kenjebekov óńirdegi kásipker áıelderge kórsetilip otyrǵan qoldaýlar jóninde áńgimeledi. О́z sózinde Jambyl aýdany ákiminiń orynbasary Úmitken Naımanova aýdandaǵy aýyl áıelderine bıznes júrgizýge qoldaý kórsetilip otyrǵanyn jetkizse, oblystyq týrızm basqarmasynyń basshysy Qarlyǵash Aralbekova óńirde agrotýrızmdi damytýdaǵy aýyl áıelderiniń úlesi týraly aıtty. О́z sózinde «Qazaqstan áıelderiniń agrarlyq odaǵy» ZTB atqarýshy dırektory Lázzat Asqarova aýyl áıelderi arasyndaǵy kóshbasshylar týraly áńgimeledi.
О́ńirde tuńǵysh ret ótip otyrǵan Jambyl oblysy aýyl áıelderi forýmynyń dástúrli ereksheligi – «Meniń jetistigimniń tarıhy» sherýiniń uıymdastyrylýy boldy. Sherýdi «Naǵyz patrıottar» qoǵamdyq birlestiginiń tóraıymy, «Meniń jetistigimniń tarıhy – 2018» sherýi nomınasııasynyń laýreaty Ǵalııa Abıtaeva sóz sóılep ashty. Budan keıin Sarysý aýdany «Dıas» sharýa qojalyǵynyń tóraıymy Meıramgúl Qarakesekova, Qordaı aýdany «Baınur» sharýa qojalyǵynyń basshysy Aıman Áshimova, Talas aýdany «Nurbol» sharýa qojalyǵynyń jetekshisi Ǵalııa Jaqaı jáne ózge de isker áıelder sóz alyp, jetistikterimen bólisti. Forým aıasynda óńirdegi kásipker áıelder taýarlarynyń kórmesi uıymdastyryldy.
О́z kezeginde «Coca-Cola belesteri» – tabysqa aparar jol» sheberlik saǵaty ótti. Praktıkalyq sessııa barysynda «Jasyl ekonomıkany» qoldaý jáne G-Global damytý Koalısııasy» ZTB atqarýshy dırektory Ashat Súleımenov jumyssyz jáne ózin-ózi jumyspen qamtyǵan áıelderdi qoldaý jónindegi áleýmettik jobany iske asyrý týraly aıtsa, «Qazaqstan áıelderiniń agrarlyq odaǵy» ZTB atqarýshy dırektory Lázzat Asqarova «Dástúrli otbasylyq qundylyqtar jáne qazirgi zamanǵy genderlik saıasat: janjal nemese ózara tolyqtyrý» trenıngin ótkizdi. Budan keıin fermerlerdiń qatysýymen aýyl sharýashylyǵymen aınalysatyndardy kredıtteý týraly semınar ótti. Forým aǵymdaǵy jyly 7-8 qarasha kúnderi Nur-Sultan qalasynda ótetin Qazaqstan aýyl áıelderiniń ekinshi forýmyna delegattardy saılaýmen qorytyndylandy. Forýmǵa qatysqan barsha azamattar «Kóne Taraz» tarıhı-mádenı keshenindegi ashyq aspan astyndaǵy mýzeıdiń jumysymen tanysty.
Jambyl oblysy
