Aıta keteıik, «Qazaqstan et odaǵy» qoǵamdyq birlestigi Qaraqııa aýdany arqyly aıyna 5000 múıizdi iri qara malyn shet elden Qazaqstannyń ishki naryǵyna tasymaldaý ornyn salý jobasyn qolǵa alǵan bolatyn.
Aımaq basshysy saparyn aldymen osy nysan jumysymen tanysýdan bastady.
Aýdan ortalyǵy - Quryq aýylynyń Sarsha jerinde 2019-2020 jyldary salynyp, iske qosylatyn nysannyń menshik ıesi – «Bresk» JShS-i.
Onda seriktestiktiń ókili jańa nysandy salýǵa 20 ga jer telimi beriletindigi týraly sheshim shyǵarylǵanyn, keshikpeı qurylys jumystary bastalatyndyǵyn aıtty.
Aımaq basshysymen birge óńirdiń aýyl sharýashylyq salasyna jaýapty barlyq qala, aýdan ákimderiniń orynbasarlary men atalǵan basqarma basshylyǵy boldy. Serikbaı О́telgenuly bul jobanyń ekonomıkalyq tıimdiligi men ózektiligine toqtalyp, jaýapty tulǵalarǵa naqty tapsyrmalar berdi. «Quryq» portyna jaqyn aýmaqta salynyp, 20 adamdy turaqty jumyspen qamtıtyn bul nysan arqyly 5000 basty múıizdi iri qara ıaǵnı sıyr maly tasymaldanyp, karantındik-veterınarııalyq tekserýden ótpek.
Budan soń jumys toby Qyzylqum jerindegi egin sharýashylyǵymen tanysty. Ondaǵy egin sharýashylyǵymen aınalysatyn otyzdaı eginshiniń biri – Tólegen Jalmuratov, 1995 jyldan beri egin sharýasymen aınalysyp, baý- baqsha ósirgen «Janbyrshy» sharýa qojalyǵynyń ıesi. 152 ga jerge alma, júzim aǵashtaryn, qyzanaq, qııar, baklajan, qaýyn, qarbyzdyń túrli sorttaryn ósiredi. О́nim tutynýshylary - Jetibaı, Munaıshy, Quryq jáne Aqtaý qalasy turǵyndary. Aıta keteıik, «Jańbyrshyda» alma men óriktiń de neshe túrli sorty ósedi. Eginniń jaıyn erte meńgergen baǵban T.Jalmuratov óńirge tanymal kásipker. Qyzylqumdaǵy sapar ary qaraı Jaqsylyq Ibadýllaevtyń sharýa qojalyǵynda jalǵasty. 32 ga egis alqabynda alma, júzim aǵashtary men qyzanaq, qııar, baklajan, qaýyn, qarbyz túrleri ósirilgen. Baǵban, aýdannyń birneshe aýyly jáne Aqtaý qalasynyń turǵyndaryna óz ónimin ótkizetindigin aıtty.
Aýyl sharýashylyq salasy boıynsha jaýapty ókilderdiń basyn Qyzylqumda qosqan beıresmı jıynda óńirdiń aýyl jáne egin sharýashylyǵyna qatysty tyń jobalar men ózekti pikirler ortaǵa salyndy.
Mańǵystaý oblysy
