Budan basqa, suıytylǵan kómirsýtegi gazdaryn kúkirtsizdendirýdi qamtamasyz etý jáne sýtegi óndiretin modýldik qondyrǵyny iske qosý josparlanyp otyr. Sondaı-aq zaýyt munaı ónimderin naqty ári únemdi quıatyn avtomattyq qondyrǵyny, onyń ishinde munaı ónimderiniń barlyq túrin joǵary dáldikpen tarazylaý jáne jappaı shyǵyndy ólsheý qondyrǵylaryn ornatý boıynsha jumystardy jalǵastyrady.
Jańǵyrtý barysynda zaýytta túbegeıli ózgerister oryn aldy: qaıta óńdeý tereńdigi 85% jetti, al katalıtıkalyq krekıng qondyrǵysynyń shıkizat boıynsha qýaty jylyna 1350 tonnadan 1868 tonnaǵa deıin ulǵaıdy.
Qazirgi kezde shyǵarylatyn AI-92, AI-95 jáne dızeldi janarmaı Keden odaǵynyń TR TS 013/2011 Tehnıkalyq reglamentine sáıkes Eýro-4 halyqaralyq ekologııalyq standartyna (Keden Odaǵy aýmaǵynda K4 dep atalady) sáıkes keledi. Sondaı-aq, reaktıvti janarmaıdy shyǵarý qaıta qolǵa alyndy. Osylaısha, quramynda kúkirt jáne zııandy kanserogendik zattar mólsheri tómendeý ónimniń óndirisi qamtamasyz etilgen. Bul jalpy eldiń ekologııalyq ahýalyna jaǵymdy áserin etedi.
- 2017 jyldan bastap zaýytta jańa eki tehnologııalyq keshen paıdalanýǵa berildi: ızomerızasııa men nafta splıtteriniń kesheni jáne kúkirt óndirý qondyrǵylarynyń kesheni. Jumys istep turǵan munaıdy alǵash jáne tereń óńdeý keshenderi, sondaı-aq baıaý koksteý qondyrǵysy qaıta rekonstrýksııalandy. Jalpy zaýyttyq sharýashylyqtyń jańa 12 nysany salyndy,- dedi óndiristik-tehnıkalyq bólimniń bastyǵy Renat Salıkov.
Jeńil naftany ızomerızasııalaý qondyrǵysynyń qýaty jylyna 571 myń tonnany quraıdy, al kúkirt óndirý qondyrǵylary kesheninde kórsetkish jylyna 60 myń tonnaǵa deıin jetti. О́tken jyldyń qorytyndysy boıynsha zaýytta 5,3 mln tonna shıkizat óńdeldi. Onyń ishinde 1,4 mln tonna avtomobıl benzıni, 1,7 mln tonna dızel otyny, 77 myń tonna áýe otyny men basqa ónimder.
Tehnologııalyq qondyrǵylardyń qurylysyn júrgizýmen qatar zaýytta bıznes-úderisterdi jańǵyrtý júrip jatyr. SimSciSpiral aqparattyq júıesiniń negizindegi óndiristi ońtaıly josparlaýdy engizý nátıjesinde PMHZ-nyń 2019 jylǵa arnalǵan óndiristik baǵdarlamasy LP-úlgisine súıene otyryp jasaqtaldy. Ol óndiristik baǵdarlamanyń josparlaý prosesiniń naqtylyǵyn, ashyqtyǵy men ıkemdiligin arttyryp, operasııalyq jáne ınvestısııalyq shyǵyndardy ońtaılandyrýǵa múmkindik berdi. Sóıtip, sıfrlandyrý tujyrymdamasyna sáıkes jańa tehnologııalyq deńgeıge ótýdi jaqyndata tústi.
Eske sala keteıik, 2018 jyly úsh munaı óńdeý zaýytynyń tehnologııalyq jańǵyrtýy aıaqtaldy. Onyń nátıjeleri elimizdi K4, K5 ekologııalyq standarttarǵa saı keletin munaı ónimderimen tolyqtaı qamtamasyz etýge múmkindik berdi. PMHZ 2024 jylǵa qaraı jaǵýlar boıynsha 7,0% jáne shyǵyndar boıynsha 0,61% kórsetkishterine jetýdi kózdeıdi.
Mańǵystaý oblysy
