- Aldymen, bilim sapasyn kóterý úshin muǵalimderdiń biliktiligi men oqýlyqtardyń sapasyna jáne bilim berý uıymdaryn zaman talabyna saı materıaldyq qorlarmen jabdyqtaýǵa erekshe kóńil bólýimiz kerek. Bul rette, bilim basqarmasy arnaıy kýrstar men semınarlar uıymdastyrý arqyly muǵalimderdi kásibı turǵyda damytý joldaryn qarastyrýy tıis. 1 qyrkúıekke deıingi merzimde mektep oqýshylaryn tolyqtaı oqýlyqpen qamtamasyz etý – barlyq deńgeıdegi ákimderdiń basty mindeti. Muǵalimderdi kásibine qatysty emes jıyndarǵa, basqa da sharalarǵa tartýdy toqtatýymyz kerek. Bul – Prezıdenttiń tapsyrmasy. Osyǵan baılanysty, ekonomıka jáne bıýdjetti josparlaý basqarmasyna, bilim basqarmasyna, aýdan, qala ákimdikterine mektepterdi kezeń-kezeńimen arnaıy kabınettermen, onyń ishinde kompıýterler, mýltımedıalyq jáne pándik kabınettermen jabdyqtaý úshin qarjy kózderin qarastyrýdy tapsyramyn. Qazirgi ýaqyttaǵy mańyzdy máselelerdiń biri – túlekterimizdiń jumyspen qamtylýy. Túlekter mamandyq boıynsha daıarlanady, alaıda múlde basqa saladan oryn tabady. Negizgi ózekti másele – jastardyń mamandyqty durys tańdamaýynan týyndap otyr. Sondyqtan aýdan, qala ákimderine mektep oqýshylarynyń qabiletine jáne naryqtaǵy suranysqa ıe mamandyqtardy eskere otyryp, erte bastan kásibı baǵdar jumystaryn júıeli túrde júrgizýdi tapsyramyn. Al, jumyspen qamtýdy úılestirý jáne áleýmettik baǵdarlamalar basqarmasy «Atameken» ulttyq kásipkerler palatasymen birlese óńirimizge qajetti suranysqa ıe mamandyqtar tizimin anyqtap, 5-10 jyldyq boljam jasaqtap, jańa mamandyqtardyń atlasyn daıyndaý kerek. Sondaı-aq, «Rýhanı jańǵyrý» baǵdarlamasy aıasyndaǵy sharalar balabaqshadan bastap ár bilim ordasynda ótkizilýi tıis. Bilim uıymdarynda berilgen tárbıe týǵan jerińe, qorshaǵan ortańa, óz tarıhyńa qurmetpen qaraýǵa úıretip, ulttyq qundylyqty dáripteýi tıis. Jańa oqý jylynan bastap daryndy mektep oqýshylary men kolledj stýdentterine Ábish Kekilbaev atyndaǵy 20 shákirtaqy taǵaıyndalatyn bolady. Osyndaı ıgi isterdiń jalǵasy retinde oblystyq bilim basqarmasy jáne aýdan, qala ákimderi bilim berý uıymdaryna uly Abaıdyń atyn berý jóninde usynystaryn daıyndasyn.
Memleket Basshysy Qasym-Jomart Toqaev dombyrany mektepterde balalarǵa úıretýge nazar aýdarǵany belgili. «Osyǵan oraı ulttyq ónerdi nasıhattaý maqsatynda oqýshylarǵa arnalǵan dombyra úıirmelerin kóptep ashýdy kózdeıtin «Dombyra-dastan» jobasyn júzege asyrýdy tapsyramyn.
Osylaısha, mańǵystaýlyq oqýshylar mektep bitirgen kezde kem degende 10 kúıdi úırenip shyǵýy tıis dep oılaımyn. Árıne, bul shara júzege asyrylsa ata-analar da rıza bolary sózsiz.
Sapaly bilim balabaqshadan bastalatyny bárimizge belgili. Ol úshin balabaqshaǵa kásibı biliktiligi men bilimi joǵary kadrlar qajet. Búginde, óńirimizdegi balabaqshalarda joǵary bilimdi jáne joǵary sanatty tárbıeshilerdiń úlesi jetkiliksiz deńgeıde. Sondyqtan, bilim basqamasyna, aýdan, qala ákimderine osyndaı jaǵdaılardy boldyrmaý úshin bul suraqty únemi baqylaýda ustap, balany erte jastan damytý, mektepaldy daıarlyqtyń sapasyn arttyrý, kadrlardyń kásibı biliktiligin kóterý sharalaryn uıymdastyrýdy tapsyramyn.
Jalpy, oblysymyz respýblıkanyń basqa óńirlerimen salystyrǵanda týý kórsetkishi jaǵynan aldyńǵy qatarlardy ıelenedi, sondaı-aq kóship kelýshiler sany da kún sanap artyp otyr. Sondyqtan mektep qurylysynyń máselesi birinshi kezekte tur. Júrgizilgen taldaýlardyń nátıjesinde óńirimizde aldaǵy bes jyl ishinde bala sany 138 myńnan 212 myńǵa deıin artady dep kútilýde. Qazir aýdan, qala ákimdikterimen jobalyq qýaty 16400 oryndy quraıtyn 21 mekteptiń jobalyq-smetalyq qujattary jasaqtalýda. Osy oraıda aýdan, qala ákimderine mektep qurylystarynyń jobalyq-smetalyq qujattaryn ýaqytyly daıyndap, bilim, ekonomıka jáne bıýdjettik josparlaý basqarmalarymen birlesip qarajat kózderin qarastyrý máselelerin sheshýdi tapsyramyn, dedi aımaq basshysy.
Mańǵystaý oblysy
