Akademık Shahmardan Esenov atyndaǵy ǵylymı bilim berý qorynyń jobalar úılestirýshisi Sergeı Levadnııdiń aıtýynsha, is-sharaǵa aldaǵy ómirleriniń birneshe jyldaryn qyzyqty ári mazmundy ótkizýdi qalaıtyn, onlaın túrde tirkelgen 500-den astam balanyń 200-ge jýyǵy qatysqan. «Biz olarǵa ýaqytty qalaı tıimdi paıdalaný kerektigin, qandaı resýrstardy ózine kómekke alýǵa, óz ómirimizdi qalaı jarqyn etýge bolatynyn aıtyp berdik. Sondaı-aq, is-sharanyń uıymdastyrýshylary retinde, «Find Your Way» jobasyn mekteptiń sońǵy synyp oqýshylaryna qyzyqty, ózekti bolatyn taqyryptarǵa arnaı otyryp, aldaǵy ýaqytta júıeli túrde ótkizýdi josparlap otyrmyz,- dep atap ótti Sergeı Levadnıı.
Tórt saǵatqa sozylǵan kezdesý barysynda ár qatysýshy dárister men ınteraktıvti oıyndardy tańdaý múmkindigine ıe boldy. Osy ýaqyt ishinde balalar aldynda Narhoz Ýnıversıteti, softskills.kz, HiPo jáne Flow Kazakhstan, grants.kz bilim berý salasynda bedeldi bolyp tabylatyn qazaqstandyq uıymdar men kompanııa sarapshylary dáris oqydy. Soft Skills Qazaqstan jobasynyń negizin qalaýshy Vladımır Kýshenko jobaǵa qatysýshylarǵa nege bireýler barlyq salada jetistikke jetedi de, al bireýlerdiń joly bolmaıtyndyǵy týraly aıtyp ótti. Sondaı-aq, ol emosııalyq ıntellekt toqtalyp ótken jumys izdeý salasyndaǵy maman Aleksandra Pak (HiPo) óz armanyn izdeýde tamasha túıindemeni daıyndaý joldaryn, suhbattasý jáne jumys ornynda beıimdelý kezindegi minez-qulyq qupııasymen bólisti. Stýdenttermen jumys jónindegi dekan Dana Shaıahmet (Narhoz ýnıversıteti) qatysýshylarǵa JOO-da oqýǵa zııan keltirmesten jumys tájirıbesin qalaı alý kerektigin jáne ýnıversıtetke túsý kezinde qandaı múmkindikter paıda bolatynyn aıtyp berdi. Al Dana Zııabekova (Education USA) Halyqaralyq emtıhan tapsyrýǵa jáne sheteldik joǵary oqý oryndaryna túsýge nıet bildirýshilerge keńes berdi. Sonymen qatar, «Find Your Way» jobasynda ýaqytty josparlaý, dedlaındardy saqtaý, basymdyqty ornalastyrý, joıylatyn jáne talap etiletin mamandyqtar, oılaý-dızaıny, sondaı-aq fakt-chekıng syndy taqyryptar da boldy.
ALMATY
