Elordadaǵy Táýelsizdik saraıynda Demokratııalyq kúshterdiń «Qazaqstan-2050» jalpyulttyq koalısııasynyń otyrysynda kún tártibine atalǵan koalısııanyń jumysyn toqtatý týraly másele shyǵaryldy. Keńes jumysyn ashqan Nur Otan partııasy Tóraǵasynyń birinshi orynbasary Baýyrjan Baıbektiń aıtýynsha, ótken 8 jyl ishinde jalpyulttyq koalısııa jalpyulttyq dıalogty qamtamasyz etý boıynsha tıimdi qoǵamdyq alańǵa aınaldy. Azamattyq qoǵam ınstıtýttary men memlekettik organdar arasyndaǵy memlekettiń damýynyń mańyzdy máseleleri boıynsha konsensýs tabyldy. Koalısııa «Qazaqstan-2050» memleketti damytý strategııasyn qoldaýǵa arnalǵan jetekshi qoǵamdyq jáne saıası kúshterdi, Tuńǵysh Prezıdent – Elbasynyń memlekettik baǵytynyń jaqtastaryn biriktirdi.
Nur Otan partııasy Tóraǵasynyń birinshi orynbasary atap ótkendeı, atalǵan alańda saıası júıe, ekonomıka, áleýmettik jáne mádenı salalardyń damý salasyndaǵy ózekti baǵyttar talqyǵa tústi. Barlyq osy máseleler boıynsha olardy iske asyrý turǵysynda teńdestirilgen sheshimdi anyqtady degen kelisimge keldi. Mysaly, 2017 jyly memlekettik bıliktiń tarmaqtary arasyndaǵy ókilettilikti qaıta bólý týraly konstıtýsııalyq reforma máselesi talqylandy. Parlament pen Úkimettiń róli kúsheıtildi. Qazir Úkimet bárinen buryn Májilistiń aldynda esepti. Depýtattardyń, sonyń ishinde, mınıstrlerdi kelisý men bosatýdaǵy ókilettiliginiń aýqymy keńeıdi.
Atalǵan reformanyń praktıkalyq qadamdarynyń biri ótken jyly saılaý týraly jańa zańnyń qabyldanýy bolyp sanaldy. Barlyq deńgeıdegi aldaǵy máslıhattar saılaýlary partııalyq tizim boıynsha ótkiziletin bolady. Nátıjesinde saıası partııalardyń róli arta túspekshi. Bul – demokratııa ındeksi boıynsha barynsha damyǵan 30 eldiń jáne Batys Eýropanyń basym elderiniń úzdik tájirıbesi.
– Elbasy Nursultan Nazarbaev Nur Otan partııasy Saıası keńesiniń keńeıtilgen otyrysynda sóılegen sózinde aıtqandaı: «Saılaýdyń proporsıonaldy úlgisi úzdik álemdik tájirıbege tolyqtaı sáıkesedi, saıası partııalardyń qyzmetin belsendire otyryp, saıası júıeniń nyǵaıýy men demokratııanyń damýyna sebep bolady. Búgin osy jerde 5 partııanyń, sonyń ishinde, 3 parlamenttik partııanyń ókilderi otyr. Saılaý týraly jańa zań partııadan jaýapkershilikti arttyrý jáne saılaýshylarmen praktıkalyq jumysty kúsheıtýdi talap etedi. Osy shartpen barlyq partııalar oǵan belsendi daıyndalý qajet. Nur Otan daıyndyqty bastady. Nur Otan Saıası keńesiniń sońǵy otyrysynda «Senim. Dıalog. Bolashaqqa nyq qadam – Nur Otan partııasynyń 7 serpini» atty partııa jumysyn júıeli jańǵyrtý baǵdarlamasy qabyldandy, – dedi Baýyrjan Baıbek.
Otyrys barysynda Baýyrjan Baıbek, sondaı-aq Nur Otan partııasy Demokratııalyq kúshterdiń «Qazaqstan-2050» jalpyulttyq koalısııasy sheńberinde bastalǵan keń qoǵamdyq pikirtalas Qazaqstan Prezıdentiniń janyndaǵy Ulttyq qoǵamdyq senim keńesiniń alańynda jalǵasyn tabatynyn aıtty.
– Ulttyq qoǵamdyq senim keńesi – bul el damýynyń mańyzdy saıası máseleleri boıynsha jalpyulttyq dıalogtyń jańa deńgeıi. Bul Keńestiń mártebesi men mańyzdylyǵy Prezıdent Qasym-Jomart Toqaevtyń tóraǵalyq etýimen rastalady. Sonymen qatar keńes quramyna partııalar men ÚEU ókilderi, qoǵam qaıratkerleri, sarapshylar kirdi. Nur Otan partııasy osy Keńestiń jumysyna belsene qatysady. Bıýro men Saıası keńestegi talqylaýdan keıin bizdiń partııadan birqatar máseleler engizildi. Ári qaraı biz óz usynystarymyzdy ázirlep, engizetin bolamyz. Koalısııanyń barlyq múshelerin Qazaqstannyń odan ári damýy úshin jalpyulttyq dıalogty damytýǵa úles qosýǵa shaqyramyz, – dedi Baýyrjan Baıbek.
Nur Otan partııasy Tóraǵasynyń birinshi orynbasary, sonymen qatar taraptarmen áriptestik odan ári jalǵasyn tabady dep atap ótti. О́zara árekettestik úshin úlken áleýet «Mıras», «Nur Otan Talks» jáne «Nur Otan Trends» partııalyq dıalog alańdary sheńberinde de bar.
Keńes otyrysynda sóz alǵan «Aq jol» demokratııalyq partııasynyń tóraǵasy Azat Perýashev: – Koalısııa óte ózekti máselelerdi talqylap, qoǵammen, saılaýshylarmen tyǵyz jumys istedi. Koalısııa osy ýaqyt aralyǵynda óz maqsatyna jetti dep oılaımyn, – dedi.
Al «Atameken» Ulttyq kásipkerler palatasynyń basqarma tóraǵasy Abylaı Myrzahmetov: «Koalısııa osy ýaqyt aralyǵynda ult múddesine qyzmet etti. Onyń ishinde, koalısııa otyrystarynda kásipkerlerdi mazalaǵan máseleler ashyq talqylandy», degen oıyn bildirdi.
Sońynda Nur Otan partııasy Tóraǵasynyń birinshi orynbasary Baýyrjan Baıbektiń koalısııa jumysyn toqtatý týraly usynysy biraýyzdan qabyldandy.
