Sýretti túsirgen: Valerıı Býgaev
Shaǵyn aýdanda qurylysy júrip jatqan №27 turǵyn úı «Turǵyn úı qurylys jınaq banki» salymshylaryna arnalǵan. Qazir qurylysty «SK-Stroıtel» kompanııasy jalǵastyrýda. Injenerlik jeliler tartylýda. Qyrkúıek aıynyń sońynda úıdi paıdalanýǵa berilmek.
Qurylys materıaldary, jumys kúshi, qarjy – bári bar. Qarqynyn údetý qajet. Ár maman bir-bir úıge jaýapty bolyp, jumys kúnin osy alańnan bastaýy kerek, - dedi qurylysty aralaǵan oblys ákimi B.Baqaýov.
Al «Astana Kóktem-S» kompanııasy shaǵyn aýdandaǵy №11 úıdiń qurylysyn osy jyldyń maýsym aıynda bastaǵan. Jeltoqsan aıyna deıin úıdi paıdalanýǵa beredi.
Oblys ortalyǵynda Dostyq jáne Áýejaı qalashyǵy aýdandary 16 qabatty turǵyn úıleriniń qurylysy jalǵasýda. Áýejaı mańyndaǵy úılerdiń bir sharshy metri 120 myń teńge shamasynda bolmaq. Olardy «7-20-25» baǵdarlamasy men «Turǵyn úı qurylys jınaq banki» arqyly alýǵa bolady.
Turǵyn úıler oblıgasııalyq qaryz esebinen, bir sharshy metri 130-160 myń teńgege salynýda. Memlekettik baǵdarlama aıasynda bir sharshy metri 120 myń teńgege satylady.
Qazir 73 páterli 55 úı salynýda, onyń tórteýi jyl sońyna deıin aıaqtalady.
PAVLODAR
