Sýretti túsirgen Rýfına Torpısheva
Bos oryndarǵa úmitkerlerdi tańdaýǵa arnalǵan HRD Everest júıesi, «Student Servicing Center» – stýdentterge onlaın rejımde qyzmet kórsetý, «OpenU» –onlaın rejımde bilim alý baǵdarlamasy, «Education Bot» – Telegram-bot bilim berý salasynda qyzmet alý qosymshasy.
Sonymen qatar, qatysýshylar aýaǵa monıtorıng jasaý ınnovasııalyq jobasymen tanysty. Joba ókpe aýrýlaryn azaıtý, medısınalyq dıagnostıkalyq bileziktiń kómegimen pasıenttiń densaýlyǵyn baqylaıdy.
Mamandardyń nazaryna «TOR» elektr motosıkli, suryptyq fasondy prokatty óndirý tehnologııalary usynyldy.
Sharaǵa Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev, oblys ákimi Bolat Baqaýov, aıtı-tehnologııalar salasyndaǵy sarapshylar qatysty.
Qatysýshylar aldynda Syrtqy ister mınıstriniń orynbasary E. Kósherbaev sóz aldy. Mınıstr orynbasary jobalardyń tıimdiligin tilge tıek etip, olardyń paıdalaný tıimdiligi jóninde sóz aldy.
«Elektrobaık jasaý - bir is, bul isti jappaı ónerkásipke aınaldyrý kerek. Halyqaralyq talaptarǵa sáıkes bıznes jospar ázirlep, ınvestorlardy qyzyqtyrý kerek», - deıdi E. Kósherbaev.
Forým barysynda Astana Hub bas dırektory Hab Joseph Kenneth Ziegler jáne ýnıversıtet prorektory, Nurlan Erjanov tehnopark pen ýnıversıtet arasyndaǵy yntymaqtastyq memorandýmyna qol qoıdy.
Forým sheńberinde hakatondar serııasynyń jeńimpazdary marapattaldy. Júlde qory 1,5 mln. teńgeni qurady.
PAVLODAR
