Erler arasynda 66 kılo salmaqta beldesken Eldos Jumahanov óziniń tusaýkeser kezdesýinde súrindi. Ol bolgarııalyq Bojıdar Temelkovke ese jiberdi. Byltyrǵy jylǵy álem chempıonatynyń kúmis júldegeri Erlan Serikjanovtyń da bul jarysta joly bolmady. Qandasymyz bastapqy básekede ázirbaıjandyq Nıjat Shıhalızadege ese jiberdi. Keshe 73 kılo salmaq dárejesiniń júldeleri sarapqa salyndy. Tatamıge shyqqan Jansaı Smaǵulov alǵashqy aınalymnan asa almady. Ol Izraıldiń ókili Tohar Býtbýlden jeńildi.
Erteń taǵy úsh dzıýdoshymyz jarys jolyna shyǵady. 81 kılo salmaqtaǵy Dıdar Hamza alǵashqy básekesin germanııalyq Domınık Resselge qarsy ótkizse, Rýslan Musaev estonııalyq Krıstıan Tonıstemen aıqasady. Áıelder arasyndaǵy jarysta 63 kılo salmaqta el namysyn Iolanta Berdibekova qorǵaıdy.
