Ortalyqtyń bel ortasynda ornalasqan gologrammadan tórt óńirdiń belgili ókilderiniń oryndaýynda tanymal án-kúıler men jyrlardy tyńdaı alasyz. Kelesi mýltımedııalyq zal arqyly qazaq halqynyń san ǵasyrlyq óneri men mádenıetine saıahattaı otyryp, ár óńirde saqtalǵan mýzykalyq ónerimiz ben baı rýhanı-mádenıetimizdiń tereń tarıhymen tanysatyn bolasyz.
Dástúrli mýzyka ortalyǵy ekspozııasyn quraıtyn jádigerlerdiń sany búginde seksenge jýyq. Ortalyq ekspozııasy Yqylas atyndaǵy halyq mýzykalyq aspaptar mýzeıi qorynda saqtaýly turǵan qazaqtyń tanymal óner tulǵalarynyń jádigerlerinen jasaqtaldy. Eksponattar qazaqtyń belgili óner tulǵalarynyń jádigerlerinen turady. Eksponattar óńirlik tórt mektepke jiktelip ornalasqan: Arqa ánshilik, sal-serilik jáne kúıshilik mektebiniń aspap jádigerleri; Jetisý ánshilik, jyraýlyq-jyrshylyq jáne kúıshilik mektebiniń aspap jádigerleri; Batys ánshilik, jyraýlyq-jyrshylyq jáne kúıshilik mektebiniń aspap jádigerleri; Ońtústik jáne Syr boıy ánshilik, jyraýlyq-jyrshylyq jáne kúıshilik mektebiniń aspap jádigerleri. Bizdiń ortalyqta Jetisýdiń júırikteri Jambyl men Kenenniń, Syrdyń sańlaqtary Nartaı men Myrzabektiń (Qyzyl jyraý), Batys án-kúı mektebiniń kórnekti ókilderi Dına men Mahambettiń, Arqa ánshilik mektebiniń tulǵalary Abaı men Birjan saldyń dombyralary bar. Sonymen qatar, bul ortalyqty Elbasymyz ózi qoldap, arnaıy ózi kelip ashyp bergen bolatyn. О́ziniń qolymen dombyrasyn syılap, belgili kúıshi Dına Nurpeıisovanyń músinin ortalyqqa syıǵa tartty.
ALMATY
