Ulan Qalmuhanuly Tájibaev 1977 jyldyń 14 shildesinde Ońtústik Qazaqstan oblysynda dúnıege kelgen. Bilimi - joǵary. 2000 jyly Ál-Farabı atyndaǵy Qazaq memlekettik Ulttyq ýnıversıtetiniń «halyqaralyq quqyq», 2007 jyly «Parasat» qazaq kópsalaly ınstıtýtynyń «ekonomıka», Madrıd qalasyndaǵy «Instituto de Empresa» halyqaralyq bıznes-mektebiniń «Executive MBA» (bıznes kásibıdi oqytý baǵdarlamasy) mamandyqtary boıynsha bitirip shyqqan.
Eńbek jolyn 1996 jyly Astana qalasynda «Elmora» JShS-niń zań keńesshisi bolyp bastaǵan.
2000 jyldardan bastap Astana qalasyndaǵy Qazaqstan Respýblıkasynyń Zań ınstıtýtynyń zańgerinen bastap, «Samuryq Qazyna» AQ-nyń apparat basshysy, «Samuryq Qazyna» AQ-nyń Adamı resýrstardy basqarý basqarmasynyń basqarýshy dırektory – Basqarma múshesi qyzmetterin atqarǵan.
2018-2019 jyldary «Ulttyq agrarlyq ǵylymı-bilim berý ortalyǵy» kommersııalyq emes aksıonerlik qoǵamynyń basqarma tóraǵasy bolyp qyzmet etken.
2019 jyldyń naýryz aıynan bastap Túrkistan oblysy ákiminiń keńesshisi laýazymyn atqaryp kelgen.
2009 jyly "Eren eńbegi úshin", 2016 jyly "Qurmet" ordenimen marapattalǵan.
U.Tájibaev aýyl sharýashylyǵy, jer qatynastary, jerdiń paıdalanylýy men qorǵalýyn memlekettik baqylaý, jumyspen qamtý jáne halyqty áleýmettik qorǵaý, eńbek ınspeksııasy, shekara jáne shekara mańy máselelerin sheshý, tabıǵı resýrstar jáne tabıǵat paıdalanýdy retteý salalaryna jaýapty bolady.
