Iske qosylǵan sátten bastap (tolyq emes 6 aı ishinde) Baılanys ortalyǵymen 120 myń ótinishter qarastyryldy. Bul týraly Memlekettik kirister komıtetiniń memlekettik qyzmetterdi sıfrlandyrý departamentiniń dırektory Serik Aısın habarlady.
Onyń aıtýynsha, salyq tóleýshi aqysyz 1414 nómirine qońyraý shalyp, qysqa merzimde memlekettik kirister organdaryna ýaqytty ysyrap etpesten onlaın rejıminde bilikti jáne jan-jaqty jaýaptar aldy, sonymen qatar salyqtar men keden zańnamalaryn júzege asyrýmen baılanysty problemalyq máselelerdi tez sheshýge kómek kórsetti, bul qanaǵattanýdyń joǵary deńgeıiniń dáleli.
Osylaısha, MKK Baılanys ortalyǵy operatorlarynyń jumysyn baǵalaǵan 26 myń azamattyń 90% -y «óte jaqsy» dep baǵalady, al 3% -y «jaqsy» dep baǵalady, bul jalpy 93% quraıdy.
Sonymen qatar, baılanys ortalyǵynyń qyzmetteri kún saıyn tanymal bolyp keledi jáne salyq tóleýshiler arasynda suranysqa ıe. Eger naýryz aıynda 11 myńǵa jýyq suraý túsken bolsa, shildede 22 myńnan astam ótinish kelip túsken, bul 2 esege kóp.
Eger salyq tóleýshi máselesin Memlekettik kirister komıtetiniń Baılanys ortalyǵy deńgeıinde sheshý múmkin bolmasa, onyń jelidegi operatory telefon qońyraýyn úzbeı, ótinishti aýmaqtyq memlekettik kirister departamentiniń mamanyna jiberedi, ol ony onlaın rejıminde qabyldaıdy jáne ony ári qaraı sheshýmen aınalysady. Máselen, ótinishterdiń 14 myńǵa jýyǵy nemese 12% -y MKD aýmaqtyq bólimshelerinde Baılanys ortalyǵy arqyly online rejıminde sheshildi, dedi Serik Aısın.
Kelip túsken ótinishterdiń taldaýy kórsetkendeı, salyq tóleýshilerdi tolǵandyratyn problemalyq máseleler bar:
- salyqtyq qaryz - túsken ótinishterden 20 % jýyǵynda;
- salyqtóleýshilerdi tirkeý - 12 % jýyq;
- jeke tulǵalardyń kólik quraldaryna salynatyn salyq - 12 % jýyq;
- elektrondyq schet-faktýralardy qoldaný - 8 % jýyq;
- salyq eseptiligi nysandaryn toltyrý jáne usyný - 6 % jýyq.
Memlekettik kirister komıtetiniń atalǵan problemalardy sheshýdiń keshendi sharalaryn qabyldaýy nátıjesinde ótinishter qazir aıtarlyqtaı qysqardy:
- Qazaustan Respýblıkasynyń rezıdentteri emes - azamattarǵa jeke sáıkestendirý nómirlerin (JSN) tirkeý jáne berý máselelri boıynsha;
- derekterdi bekitý jáne (nemese) berý fýnksııasy bar baqylaý-kassa mashınalaryn tirkeý jáne paıdalaný máseleri boıynsha (BKM onlaın);
- arnaıy salyqtyq rejımin qoldaný máseleri boıynsha.
Baılanys ortalyǵyna júginý boıynsha eń belsendiler kelesi aımaqtardaǵy salyq tóleýshiler bolyp tabylady:
- Nur-Sultan qalasy - 23 %;
- Almaty qalasy - 21 %;
- Shymkent qalasy - 5 %;
- Almaty jáne Qaraǵandy oblystary - 4 % dan .
О́tinimder sany az aımaqtar:
- Qyzylorda jáne Soltústik Qazaqstan oblystary – 1 % dan.
Memlekettik kirister komıtetiniń 1414 Baılanys ortalyǵy jumys kúnderi tańerteńgi 09:00-den keshki 18:30-ǵa deıin jumys isteıdi, qońyraý aqysyz.
