Elbasy Qazaqstan men Reseı arasynda qalyptasqan qarym-qatynastardyń erekshe senimdi sıpatqa ıe ekenin atap ótti.
– Biz on myń birlesken kásiporyn qurdyq. Reseı – Qazaqstannyń eń iri ekonomıkalyq seriktesi. Men jumys istegen jyldardyń bárinde biz Sizdiń elińizben jaqyn jáne senimdi qarym-qatynas ornattyq. Búgin biz barlyq ýaǵdalastyqtarymyzdy bekem ustanyp kelemiz, – dedi Qazaqstannyń Tuńǵysh Prezıdenti.
Nursultan Nazarbaev eki el arasyndaǵy yntymaqtastyqty odan ári tereńdetý jáne keńeıtý úshin birlesken sharalar qabyldaýdyń mańyzdylyǵyn atap ótti.
– Reseı barlyq baǵytta bizdiń negizgi odaqtasmyz, seriktesimiz bolyp qala beredi. Biz qarym-qatynastarymyzdy baǵalaımyz jáne ári qaraı damyta beremiz. Men buryn aıtqanymdaı, sanksııalar jaǵdaıynda ekonomıkanyń túrli salalarynda birlesken kásiporyndar qurýǵa erekshe nazar aýdarý kerek, – dedi Elbasy.
Qazaqstannyń Tuńǵysh Prezıdenti elshilik qyzmeti aldaǵy ýaqytta da eki el arasyndaǵy dostyq qarym-qatynastardy jaqyndatýǵa jáne nyǵaıtýǵa baǵyttalatynyna senim bildirdi.
– Reseıde táýelsiz Qazaqstannyń negizin qalaýshy jáne sáýletshisi, Tuńǵysh Prezıdent – Ult kóshbasshysy retinde Sizge úlken qurmetpen qaraıdy. Siz damýdyń strategııalyq baǵytyn saqtaýdyń kepili bolyp qala beresiz, – dedi Reseı Federasııasynyń Tótenshe jáne О́kiletti Elshisi.
Sondaı-aq, Reseı Elshisi syrtqy saıasat pen qaýipsizdik salasyndaǵy ózara is-qımyldy odan ári nyǵaıtý úshin perspektıvanyń bar ekenin atap ótti.
Sonymen qatar, Elbasy Qazaqstan men Reseıdiń birlesken kásiporyndaryn qurý jáne damytý, sondaı-aq ınvestısııalyq yntymaqtastyqty jaqsartý boıynsha qabyldanyp jatqan sharalar týraly habardar etildi.
