Atalǵan basqosýǵa Prezıdent Ákimshiliginiń basshysy, Ulttyq keńes tóraǵasynyń orynbasary Qyrymbek Kósherbaev jetekshilik etti. Aldaǵy jumys barysyn uıymdastyrý týrasyndaǵy jıynǵa Keńes músheleri túgel qatysty.
Otyrys kezinde Ulttyq keńestiń qyzmeti men baǵyt-baǵdary keńinen talqylanyp, Memleket basshysynyń qatysýymen ótetin alǵashqy jıynǵa daıyndyq pysyqtaldy. Sondaı-aq qordalanǵan máselelerdi júıeli túrde qarastyrý úshin arnaýly jumys toptary quryldy. Ol úshin jıyn barysynda Keńes músheleri jumys toptarynyń qandaı taqyryptar boıynsha jiktelýi kerek ekeni týraly pikirlerin ortaǵa saldy.
Qazaqstan Respýblıkasy Prezıdentiniń 2019 jylǵy 17 shildedegi №63 Jarlyǵymen bekitilgen Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi týraly erejege sáıkes Ulttyq keńes múshelerine kýálikter tapsyryldy.
Prezıdent janyndaǵy Ulttyq qoǵamdyq senim keńesiniń birinshi otyrysyn 2019 jyldyń 6 qyrkúıeginde Nur-Sultan qalasynda ótkizý josparlandy.
