2019 jyldyń oqý jylyna arnalǵan jaýyngerlik daıarlyq josparyna sáıkes «Karabotan» oqý polıgonynda «Batys» óńirlik qolbasshylyǵynyń ognemettik bólimsheleri jaýyngerlik atystaryn júrgizdi. Ognemetshiler atys pozısııasyn daıyndaý jáne ornalasýy boıynsha, olardyń ınjenerlik qamsyzdanýy men jasyrý boıynsha jáne RPO-A «Shmel» reaktıvti jaıaý áskeri ognemetteriniń atysyn basqarý boıynsha suraqtardy pysyqtady.
- Atys barysynda ognemetshi-jaýyngerler RPO-A «Shmel» ognemetterin qoldaný barysyndaǵy qaýipsizdik erejelerin meńgerdi. Atysqa daıyndalý jáne olardy júrgizý boıynsha, nysanany tańdaý, kózdeý jáne ilestirip júrgizý boıynsha mashyqtylyqtaryn pysyqtady. Kúndizgi jáne túngi ýaqytta, toppen jáne jalǵyz áreket etý algorıtimderin oryndady, deıdi «Batys» óńirlik qolbasshylyǵynyń radıasııalyq, hımııalyq jáne bıologııalyq qorǵaý áskerleriniń bastyǵy polkovnık Ádil Mahambetov.
Ognemettiń ózi, áskerimizdegi jeke qarýdyń eń qýatty túrleriniń biri bolyp tabylady. Ol qarsylastyń jasyryn atys oryndaryn, jeńil saýytty tehnıkany, ashyq jerdegi jáne bekinistegi jeke quramnyń kózin joıýǵa arnalǵan. Bul qarý qajet aımaqta joǵary qysym men joǵary temperatýralyq zonany jasaý prınsıpimen jumys isteıdi. Onyń ekinshi ataýy «Qaltaly artıllerııa», sebebi ol óziniń fýgastyq nemese joıý áreketi arqyly 122 mm gaýbısalyq snarıadpen bir qatarda tur. Biraq onyń salmaǵy bolsa, nebary 11 kg. Bul faktorlar osy qarýdy óte mańyzdy etip tur, óıtkeni artıllerııa men avıasııanyń qoldanylýy qaýipti taýly, meteojaǵdaıy shekteýli nemese turǵylyqty aımaqtarda RPO-A «Shmel» óz jumysyn minsiz jáne az zardappen oryndaı alady.
Qarsylastyń ognemettik-jaǵý jáne joıý, Radıasııalyq, hımııalyq jáne bıologııalyq qorǵaý áskerleriniń tapsyrmasy bolyp tabylady. Osy maqsatta ol áskerler RPO-A «Shmel» ognemetterinen basqa TOS-1A «Solnsepek» aýyr ognemettik júıelerimen qarýlanǵan.
