S.Amanǵalıev memlekettik qyzmetke jáne memlekettik basqarý qyzmetine qarsy asa aýyr kólemde sybaılas jemqorlyq qylmysyn jasady degen kúdik boıynsha 05.11.2018 jyly sot sanksııasymen qamaýǵa alynǵan.
Iаǵnı, ol 3.11.2018 jyly saǵat 18.40 shamasynda Aqtaý qalasyndaǵy halyqaralyq áýejaı terrıtorııasynda Sybaılas jemqorlyqqa qarsy ulttyq bıýro qyzmetkerlerine ustalyp, S.Amanǵalıevtan 115 000 eýro kóleminde aqshalaı qarajat tabylǵan.
Sot úkimimen S.Amanǵalıev QR Qylmystyq kodeksiniń 366-baby 4 bóligimen kináli dep tanylyp, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 10 jyl merzimge bas bostandyǵynan aıyrý jazasy taǵaıyndaldy.
Sot QR Qylmystyq kodeksiniń 49-baby 2 bóligine saı, QR Prezıdentine S.Amanǵalıevti «Qurmet» ordeni nagradasynan aıyrý týraly usynys engizdi.
Qylmys ornynda alynǵan 115 000 eýro kólemindegi aqshalaı qarajat memleket kirisine alyndy.
Sot úkimi zańdy kúshine engen joq.
Mańǵystaý oblysy
