- Búgingi tańda Munaıly aýdanynyń Basqudyq eldi mekenindegi №9 o/m janynan 320 oryndyq, Atameken aýylyndaǵy №7 o/m janynan 320 oryndyq, Batyr aýylynda 960 oryndyq mekteptiń qurylysy, Túpqaraǵan aýdanynyń Aqshuqyr aýylynda 600 oryndyq mekteptiń qurylys jumystary bastaldy. Aqtaý qalasynda 34 shaǵyn aýdannan 900 oryndyq jańa mektep boı kótermek. Jańadan salynyp jatqan shaǵyn aýdandardaǵy mektep jasyndaǵy 1033 balany atalǵan jańa mektep paıdalanýǵa berilgenshe 32 «b» sh/a ornalasqan oblystyq daryndy balalarǵa arnalǵan mektep qabyldamaq», - dedi N.Qoıjanov.
Qaraqııa aýdanynyń Jetibaı aýylyndaǵy 600 oryndyq mektep qurylysy boıynsha jobalaý-smetalyq qujattar ázirlenip, usynys Mınıstrlikke joldanǵan.
Atalǵan jobalardan bólek 2020-2024 jyldarǵa josparlanǵan 19 ınvestısııalyq jobalardyń tizimi bekitilgen (Aqtaý -7, Jańaózen -2, Qaraqııa – 1, Munaıly -5, Túpqaraǵan -5, Beıneý - 3).
- «Aqtaý qalasyndaǵy 29 sh/a ornalasqan №28 orta mektepke kúrdeli jóndeý júrgizýge bastapqyǵa 20,0 mln teńge bólindi jáne 363,5 mln teńgege 101 mektepke, sonymen qatar 86,0 mln. teńgege 46 balabaqshaǵa jeńil jóndeý júrgizildi», - dedi N.Qoıjanov.
Bıylǵy jańa oqý jylynda 151 680 oqýshy, onyń ishinde jańartylǵan mazmunǵa kóshetin 4, 9, 10 synyptarǵa 33 772 oqýshy mektepke barady dep kútilýde. Atalǵan synyp oqýshylaryna 100%, qalǵan synyptarǵa qor jınaý sıkly boıynsha barlyǵy 1 124 684 dana oqýlyq satyp alynbaq.
Mektep ónimderin (forma, keńse taýarlary jáne t.b.) satatyn kásipkerlerge jańa oqý jylyna baǵalardy tómendetý týraly usynys berilip, alys eldi mekenderge arnaıy baryp mektep taýarlary jármeńkesin uıymdastyrý josparlanǵan.
BAQ-da jarııalanǵan Aqtaýdaǵy 6-shaǵyn aýdandaǵy mekteptiń kitaptarynan tabylǵan qandala men muǵalimderdiń keshiktirilgen jalaqysy boıynsha suraqqa basqarma basshysynyń mindetin atqarýshy bylaı dep jaýap berdi.
- Qandalaǵa qatysty atalǵan jaıt boıynsha tekseristi Aqtaý qalalyq bilim bólimi júrgizýde. Tekseris aıaqtalǵan soń, resmı túrde málimdeme jasalynady. Al, muǵalimderdiń keshiktirilgen jalaqylary búginde tolyq tólendi, dedi N. Qoılybaev.
Mańǵystaý oblysy
