Ekonomıka salasynda shaǵyn jáne orta bıznesti qoldaý júıesin «qaıta júkteý» máselelerine aıryqsha nazar aýdaryldy. Basymdyq jańa jumys oryndaryn qurýy tıis, qosymsha salyq túsimderin ulǵaıtatyn jańa jobalarǵa berilýi qajet. Sonymen qatar otbasylyq shaǵyn jáne mıkrobıznester qurýdy yntalandyrýǵa, kóp balaly analarǵa úıde otyryp jumys isteý múmkindigin berýge kúsh salynýy tıis.
ShOB-ty, ásirese ónimdiligi joǵary, eksportqa baǵdarlanǵan otandyq óndirýshilerdi qarjylyq, salyqtyq jáne ákimshilik yntalandyrý sharalaryn júzege asyrý qarastyrylǵan. AО́K sektorynda sýarmaly alqaptardy ulǵaıtý, aýyl sharýashylyǵy shıkizattaryn óńdeý úlesin arttyrý, sondaı-aq ekonomıkalyq aınalymǵa tartý úshin paıdalanylmaı jatqan jerlerdi alyp qoıý jónindegi jumystardy belsendirýge tapsyrma berildi.
Prezıdent kvazımemlekettik sektordyń tıimdiligin arttyrý, memlekettik kásiporyndar sanyn qysqartý, memlekettik satyp alý úderisterin odan ári jetildirý, baǵa qalyptastyrý, ásirese tabıǵı monopolııalardyń qyzmetin jáne áleýmettik mańyzy bar taýarlar naryǵyn tártipke keltirý máselelerine aıryqsha toqtaldy.
Azamattar men bıznestiń reıderlik áreketterden, jekelegen sheneýnikterdiń beıbastaqtyǵy men áreketsizdiginen qorǵalýyn kúsheıtýge baǵyttalǵan zańnamalyq normalardyń engiziletinin atap ótken jón. Naqtylyq pen birkelkilik bolmaǵan sátterdiń bári azamattar men kásipkerlerdiń paıdasyna sheshilýi tıis.
Áleýmettik qamtamasyz etý salasynda múgedekterdi qoldaýdy, balalar quqyǵyn qorǵaýdy kúsheıtý, buqaralyq sportty damytý, halyqtyń az qamtylǵan toptary úshin baspana qoljetimdiligin arttyrý, árbir eldi mekendegi eń ózekti ınfraqurylymdyq máselelerdi sheshý mańyzdy bastamalar qatarynda. 2020 jyly pedagogtardyń eńbekaqysy 25 paıyzǵa ósedi, Úkimet mádenıet qyzmetkerleriniń eńbekaqy kólemin arttyrý ólshemderin anyqtaıdy. Úkimet pen Ulttyq banktiń aldyna bankterdiń ekonomıkany nesıeleý deńgeıin ulǵaıtý, tutyný nesıesi naryǵynda qatelikterge jol bermeý, zeınetaqy aktıvterin basqarý tıimdiligin arttyrý mindetteri qoıyldy. Memleket basshysy ataýly áleýmettik kómektiń ádil ári yntalandyrý júıesin qurý qajettigine jeke toqtaldy. Bul kómek oǵan shynymen muqtajdarǵa ǵana berilýi tıis.
Jalpy, Prezıdent qoıǵan barlyq mindetti tabysty júzege asyrý úshin sheshim qabyldaý úderisiniń móldirligin arttyrýǵa, sheshimderdi qabyldaý barysyna halyqty tartý isine negizgi ekpin berilýi qajet. Bir mezgilde memlekettik qyzmetshilerdiń qoıylǵan mindetterge jetýdegi, ásirese ınvestısııa tartý, eńbek ónimdiligin arttyrý, shıkizattyq emes eksportty ulǵaıtý, jańa jumys oryndaryn ashý máselelerindegi jeke jaýapkershiligi kúsheıtiledi.
Tımýr Súleımenov,
Prezıdent Ákimshiligi basshysynyń orynbasary
